Universis Christi fidelibus presencium noticiam habituris. Theodorus Jauriensis, Emiricus Waradiensis, Johannes Nytriensis, et Herricus Wrazti(s)laviensis dei gratia ecclesiarum Episcopi, salutem in domino sempiternam. Quoniam rex regum et dominus dominantium Christe Ihesu illis in hoc saeculo et futuro speciale remunerationis beneficium elargitur, qui sanctorum suorum sollempnia devote corde et animo reverentur, et idcirco ipsorum pia tenemur patrocinia inplorare, ut nunc bene vivere, et ipsorum ineritis intervenientibus post presentis vite terminum, ipsis possimus eternaliter conregnare. Cupientes itaque Christi fideles quibusdam muneribus illectivis ad pietatis et devocionis opera invitare, ut exinde divine fiant gracie perempciones. Omnibus vere penitentibus et confessis qui capellam sanctissime virginis Marie nove structure in civitate wyennensi in quatuor festivitatibus domini nostri videlicet Nativitatis, Resurrectionis, Ascensionis et Pentecosten, seu in quatuor festivitatibus sancte Marie virginis, et apostolorum, et in festo omnium sanctorum, Epiphanie domini, ac Marie Magdalene, Beate Katerine virginis, beati Nycolai confessoris, ac sanctorum martyrum Johannis et Pauli, et in festo beati Marci evangeliste, seu in festis dedicacionis, ac patronorum dicte capelle, ac per octavas eorun-dem devocionis causa visitaverint, aut elemosinas suas illuc erogave-rint, singuli singulas quadraginta dierum indulgencias de iniuncta sibi penitencia, misericorditer relaxamus. In cuius rei testimonium presen-tes concessimus litteras sigillorum nostrorum munimire roboratris. Datum Posonii anno domini M° CCC° VIII°, kalendis mais.

Source Fulltext: Peter Peusquens