Wir Albrecht von Gots gnaden Hertzog ze Osterreich, ze Steyr, und ze Kernden. Tuen chunt umb daz Lehen, daz uns, unser getrewn lieben, die purger von Wienn, nutzemal tuent, auf die richtung und und werung des gelts, dar umb wir si versatzt haben, daz wir si, mit unsern gnaden vertroest haben, und vertrosten auch mit disem brief, daz si an sand Mertens tag, der nu schirest chumt, von der gewonlichen schatzstewr ze Wienn, selber innemen und vessen sullen tzway Tausent phunt, wienner phenning, oder mer, swaz da gevellet. Und sullen sich selber des vorgenanten Lehens, gantz und gar da von richten. Und swaz desselben Lehens mer wirt, denn die gewonlich schatzstewr, da sullen wir si gnedichlich, und an irn schaden von bringen. mit urchund ditz briefs. Geben ze Wienn an samtztag nach unsrer vrawen tag, zue der Chundung . Nach Christs geburt, dreutzehen hundert iar, dar nach in dem sechs und funftzigisten jare.

Source Fulltext: Peter Peusquens