Gotfridus dei gratia Pataviensis Episcopus Ad perpetuam rei memoriam. Ea que divini cultus augmentum, et salutem fidelium conspiciunt animarum favore semper benivolo duxi-mus prosequenda. Cum itaque discreti viri Waltherus dictus Saxo et Heinricus dictus Chrafft, Cives Nuerenbergenses, et Perchtoldus dictus Halbherre, et Johannes Godinne, Cives Augustenses, de consilio dilecti in Christo Magistri Ulrici Officialis Curie nostre Pataviensis, unam perpetuam missam, in Cappellam Sancte Marie Virginis, in domo quondam Ottonis Haim(onis), Wienne sitam, pio ..... proposito instituerint, et cum duabus vineis, emptis de pecunia, per bone memorie Heinricum quondam wiennensem Scriptorem et Procuratorem Ulrici dicti Haller de Nuerenberga. relicta, et per ipsum Heinricum, fidei eorundem commissa, quarum quidem vinearum una in loco qui dicitur Chaeswazzersgraben, altera veri in Chlaytzing, consistunt dotaverint competenter sub certis modificationibus, conditionibus atque penis prout in ipsorum litteris super hiis confectis plenius continetur. Nos eorundem fidem, et intencionem laudabilem, in domino commendantes, eiusdem misse perpetue institucionem et dotacionem, ac omnia et singula in eisdem litteris expressa, sicut provide facere sunt rata habemus et grata, ipsaque auctoritate ordinaria confirmamus. Volentes omnino, ut Cappellanus eiusdem misse, qui pro tempore fuerit, omnia et singula, in eisdem litteris expressa, in quantum ipsius officium respiciunt et personam, diligenter studeat observare, si penam proinde debitam et condignam, voluerit evitare. In quorum testimonium presentes sigilli nostri munimine fecimus roborari. Datum Wienne Thimothei apostoli. Anno domini Millesimo Trecentesimo Quinquagesimo Septimo.

Source Fulltext: Peter Peusquens