König Matthias an Bürgermeister, Richter und Rath seiner Stadt Wien. Thaman Tanczl habe ihm durch ain supplication anbracht, wie er ainen, genant der Dorn, bei ihnen einnemen hab lassen, zu recht derselb im empfrombt und gestollen hab ain summa gelts, und wie im furgehalten werd, wo er solich bezieht auf den bemelten Dorn nit mit weisung bring, alsdann sol und mug sich der Dorn mit seinem eid davon nemen, des sich der Tanczl beswärt bedünkt und vermainet, daz soliche bezicht mit eidn nit gebürn zu entschuldigen, sunder daz der Dorn, als dann gemeins recht ist, umb solhe bezicht gefragt werd und ob sich daz auf den Dorn nit erfund und bracht wurd, well der obgenant Danczl darumb vergwissung tun und zu recht steen, waz im mit recht erkannt werde, daz aufzunemen und zu leiden. Er befiehlt ihnen daher, die Angelegenheit an sich zu ziehen und baidn tailn nach recht entscheidung zu tun, als sich gebürt.