57) ................ Item ain kaiserlicher gesecretirter brief von seinn kaiser- 58) lichn gnaden ausganngn des Datum ist an Eritag sand Leonhartztag des zwayundneuntzigisten jars nagst-vergangen. (nr. 10 6. Nov. 1492) Darinne sein kaiserlich gnad allen und yeglichn im Lannd Oesterreich gepeutt ernstlich zu weren, damit nicht Hungrisch oder Merherisch wein in das Lannd gefuert werden, und bevilicht das offenlich zu beruffen, das dann bescheen ist an Sambstag nach sand Thomans 59) tag des heilign zbelifboten desselben zwayundneuntzigiszen jars. (1492 December 22) Wir unnsers allergenedigistn herrn des Romischen Kaisers etc Raete zu Wienn Bekennen daz die obgemellten abgeschrift der Hanndvesten, Freyhaitn, gnaden und Privilegien, der obbestimbten Wein halben mit den Hauptbrieven und Originallen Unns durch Burgermaister 60) und Rate der Stat Wienn furbracht. Die wir dann auf Ir vleissig bete aigner.. gesehen gehoert und an geschrift und Insigln unversert und geleichlauttund gefunden haben. Mit urkund des brieffs Besigelt mit unnsern anhanngunden Insigeln doch unns unnsern erben und nachkomen on schaden. Geben zu Wien an Sambstag sand Urbans tag des 61) heiligen Babstz Nach Cristi geburd vierzehenhundert und im dreiundneunzigisten jar.

Source Fulltext: Peter Peusquens