In nomine domine amen. DE res gestas coram regum magnificentia aboleat successus temporum, necessarium est eas scripturis autenticis et fide dignorum testimonio testium ad perpetuam rei geste memoriam perhennari. Proinde nos Kazimirus dei gracia Rex Polonie Necnon terrarum Cracovie.. Sandomirie..Siradie..Lancicie..Cuyavie Pomoranieque dominus et heres tenore presencium recognoscimus universis quibus expedit publice protestando, quod illustrissimus et magnificus princeps dominus Rudolphus quartus Dei gracia dux Austrie frater noster carissimus ex una, et nos parte ex altera, ex parte Civium nostrorum Cracoviensium, ipse quoque ex parte Civium suorum Wyennensium, omnem dissentionis materiam controversiam impedimenta et arrestationes, que hinc inde inter eosdem ex utraque parte, a die et data presencium, usque in hodiernum diem viguerunt a retroactis temporibus totaliter amputare cupientes, et eos invicem amicabiliter et fraterne concordare totaliter mediante dicto fratre nostro preclarissimo duce Austrie inter ipsos duximus ordinandum pro commodo rei publice et utilitate communi civium predictorum quot cives wiennenses prefati fratris nostri carissimi domini ducis Austrie, cum omnibus eorum bonis et rebus mobilibus et mercimonialibus quibuscumque et cuiuscumque fuerit conditionis, aut quocumque nomine nuncupentur secure sine omni impedimento nostro et nostrorum in Regnum nostrum Polonie, Et specialiter in Civitatem nostram Cracoviensem transire valeant, prout alii mercatores et hospites pro eorum mercimoniis emendis et vendendis, ad eandem Civitatem Cracoviensem transire consueverunt Et econverso..Cives nostri Cracovienses predicti ac alii de regno nostro eodem modo possint et valeant ad predictum ducatum Austrie Et specialiter ad ipsam Civitatem Wyennensem laborare et mercari suis mercimoniis quibuscumque, quocumque etiam nomine censeantur certitudinaliter et secure prout.. alii hospites et.. mercatores in eodem ducatu Austrie commorantes transire consueverunt ad eandem. Preterea addicimus expresse, quod si alterutra partium..Civium predictorum unus ab alio quicquam debiti mutuo contraxerit, aut unus alteri ex quocumque contractu vel aliter aliquid teneatur, quod possit per litteras aut per sufficiens fide dignorum testimonio testium comprobari Supradicti.. Cives Wyennenses super ipso debito aut mutuo contracto, a Consulibus Cracoviensibus aut Civibus eorundem equitatem et iustitiam requirentibus sine omni retardacione briga et recusacione ac dilacione quacumque facere teneantur et debeant reddere iusticie complementum Et viceversa Consules et Cives nostri Cracovienses predicti per recompensam supradicte clausule hic proximo posite..Consulibus Wyennensibus et eorum Civibus sine difficultate recusacione dilacione et briga id ipsum facere teneantur quociens et quando ab ipsis seu eorum aliquo fuerint requisiti taliter quod utraque pars Civium predictorum pro quibuscumque debitis contractis sine querela maneant et fatiga Et in horum omnium evidens testimonium et ad certitudinem pleniorem premissorum Sigillum nostrum presentibus est appensum. Actum et datum in Ternavia die decima mensis Julii, que fuit dies dominica ante diem beate Margarethe virginis gloriose Sub Anno domini Millesimo Trecentesimo Sexagesimo Secundo. Datum per manus domini Johannis Cancellarii nostri Cracoviensis Scriptum vero manu Henrici dicti Cropolin Theutonici Notarii nostri et Curie nostre Jurati, de expresso nostro mandato et consensu.

Source Fulltext: Peter Peusquens u. Rauch, Adrianus – Rerum Austriacarum Scriptores, Bd.3, S. 92 - 94