Colman Hükhl der müllner, mitburger zu Wienn und . . . Anna, sein eeliche hausfraw, stiften in disem zergengklichen leben und zu eroberung des eewigen ... in khraft des briefs fünf eewig wochen mess, die ain yeder capplan spre/ochen und lesen so in Sannt Annen capellen in dem Pilgramhauss hie zu Wienn, darzu sie, bede khanleüt besonder naigung und gu/otn willen tragen. Nemblichen an montag ain meess zu hail und trost aller cristglaubigen seeln, an dem eritag von der heiligen frawen sant Annen, an dem phinztag von dem werden fronleichnam Jhesu Cristi, am freitag von dem allerheiligistn und pitteristn leiden unsers heilmacher, an dem sambstag von der aller rainisten muter Marie, und soll der briester, dem solh funf wochenmess verlihen werden, . . . dieselben ausrichtn, . . . darbei für die Stifter und all glaubig seelen bitten; er soll sich auch in ainer yedn messen in gewonlicher zeit vor dem altar gegen dem volkh wenden und khern, daselbs für die Stifter, deren vater und muter, all die aus deren gesle/ochtn verschaidn sein und all cristglaubig seeln wie prauch und gewonhait offenlich bittn und wo derselb briester der obberürtn täg die angezeügtn mess aus unschiklichait oder ander redlich ursach nicht lesen oder volbringen möchte, alsdann sol er die durch sich oder ainen andern erbern briester an ainem anderen tag erstatten. Derselb capplan oder briester dem solh messen verlihen werden und sein nachkomen süllen all hochzeitlich und ander feyrte/ag, khain ausgenomen des abents bei der versper¹ und des morgens aines yeden derselben teg bei dem gesungen ambt in ainem korrokh steen und daselbs von dem anfang unzt zu dem ende bleiben. Zur Erhaltung dieser funf wochenmess und stift widmen angezaigte khanleüt ... in daz benannt pillgramhaus ihres aigen rechtn gutz: 1. ain müll genannt die Hütternn zwischen Spannberg und Erdprusst gelegen, davon man jerlich dient dem . . . abbt und convent zu dem Heilligen Creücz aindlef phunt phennig (11 lb dn) guter landeswerung in Österreich zu grunddienst und nicht mer. 2. Item mer zwai achtail weingartn, ains glegen im Küeperg, daz ander in dem Käsperg, davonman je/arlich dient von dem weingarten im Küeberg dem . . . Erasm von Kunigsperg 3 dn zu rechtem gruntdienst . . . und von dem Käsperg dem . n. Derrn zu Pru/onn ainviertlmost und zwenphening (2 dn). Die Widmung erfolgt mit der gestalt und ausgenomen worten, als lang . . . bede khanleüt oder ihr ains in leben, daz sie dann die . . . müll sülln . . . prauchen . . . nach . . . gefallen; sie werden dann dienen jerlichen in daz benant Pillgramhauss 20 lb dn guter landswerung in Österreich, davon ain yeder verweser des Pillgramhauss dem . . . capplan der funf mess . . . bezallen süll, zu sambt nützung der zwayer ächtail weingartn. Nach dem Tode beider Stifter süll alsdann solh müll, genannt die Hüttern, dem . . . Pilgramhauss ganz frei ledig zufalln. . . . Gleichzeitig fällt dann und nach abgang ains capplan die Lehenschaft der Messe dem Wiener Magistrat mitsambt ainem verweser des Pillgramhauss, der yee zu zeitn¹ ist, recht und ungezweifelt zu, die die mess ferrer ainem andern . . . wolgelontn² briester verleihen sülln. Und, wann Aussteller ainen eelichen eeleiplichen su/on mit namen Ballthassar haben, wo derselb gevogt und zu priesterlicher wirdigkait geschickht, so süllen solh messen, wann die ledig werdn, ime für all ander gelihen werdn, daz er dieselben allermassn, wie oben begriffen on nachlassen ausricht volbring und dagegen von dem verweser des Pillgramhauss, so man von den benannte güetern geben wirdet emphahe. Es süll auch ain yeder verweser des Pillgramhaus solhen . . . capplän gegenwürtign und khünftigen ain mitter zymmer in dem Pillgramhaus lassen und verleihen, wie dann . . . herr Geörg Tu/egentlich mit wissen und willen aines . . . burgermaister und rats zugesagt hat; doch wo die notturft ervordern wurde, daz derselb capplan an ainem sonntag oder andern feyrtag ain ambt daselbst soll singen, daz er dann dasselb on ferrer ausred thüe. 

Original dating clause: Der geben ist zu Wienn, an montag nach sant Jacobs tag des heilligen zwelfpotn. . . .

Notes: