Wir Albrecht von gotes gnaden, Hertzog ze Oesterreich ze Steyr ze Kernden und ze Krain, Grafen ze Tyrol etc. Tuon chunt, daz wir die zwo huoben, gelegen ze Lesnik, in dem Enstal, die fumfthalb phunt gelts, auf behausten guetern in der Riedmarch, in Guotawêr pharr, bei der freynstat, ein viertail an dem Hause ze Wunnenberg, und alles das, so darzuo gehoert, das unserm getrewen Hansen dem Poschen, zuo Dorothen, seiner wirtinn ..b...st, und das alles, von uns ze lehen ist, demselben Hansen Poschen, seiner wirtinn, und Waltheren von Seusenegg, irem bruoder, ver-liehen haben und leihen ouch was wir in ze recht daran leihen sullen, also, daz si, und ir erben das, von uns, unserm lieben Bruoder, Hertzog Leupolten, von Oesterreich, und von unsern erben, innehaben und niezzen sullen, alz Landes und Lehens recht ist, an allez geverde, mit urchunde ditz briefs. Geben ze Wienn an sand Urbans tag. Nach Kristes gepurd, dreutzehen hundet iar, darnach in dem siben und sechtzigistem Jare. Wêhinger (magister camere)

Source Fulltext: Peter Peusquens