Wir Albrecht und Leupolt Geprueder, von Gots gnaden, Hertzogen, ze Oesterreich, ze Steyr, ze Kernden, und ze Chrayn, Grafen ze Tyrol etc. Veriehen und tuen chunt offenlich mit disem brief. Wann unser getrewen lieben.. die puerger und choufleute ze Wyenn, des vast beswêrt, und an irr arbait groezzlich gehindert waren, daz wir, etlich Gest, und ander choufleute liezzen, ungewon-lich strazz, und weg wider derselben Wyenner recht, und freyhait, mit irr kouffmanschaft durch unser Land varen. Haben wir verhaizzen, und versprochen, daz wir, das, nyemann fuerbazz er-lauben wellen. Sunder, wellen, und sullen wir, die egenanten purger und koufleute, von Wyenn, gnedeklich halten, und beleiben lazzen, bey allen iren rechten, und freyheiten, die si von alter habent herbracht, ane geverde. Mit urchuend ditz briefes. Geben ze Wyenn, an samztage vor sand Philipps- und sand Jacobs tag, der heiligen zwelfpotten. Nach Christs gepûrt Dreutzehen-hundert jar, Darnach in dem Neun und Sechtzigisten Jare. domini duces, marscalcus provincialis, ambo magistri curie de Liechtenstain et de Topel et Wehinger, magister camere.

Source Fulltext: Peter Peusquens; siehe auch: • Tomaschek, Rechte und Freiheiten I, 175 no 80