Wir Graf Hainreich von Schownberg verichen und tun kunt offenlich an dem brif, daz uns Niclas der Wuerfel, purger ze Wienn enpfolhen hat hintz unsern gnaden und trewn, alles daz guet daz er und sein erben von uns ze Lehen habent, ze Aedleinstorf in dem dorffe, dez wir rechter vogt und lehenherre sein, und sullen dez ir schermer sein. Wêr aber daz wir nicht wêren dez got nicht welle und das im darnach und seinen erben, unser nachomen erben, auf dem selben gut chainen gewalt, oder unrecht wolten tun, so sullen si in nemen einen vogt uber daz egenant gut ze Edleinstorf, der in aller pest fuege, und oder si geschermen muege und sullen unser nachchoemen erben si daran nichtes irren noch engen. Mit urchund dez brifs besigelt mit unserm Insigel. Geben ze Wienn, an freytag nach sand Goergen tag, nach Kristi gepurd dreutzehen hundert jar darnach in dem drew und sibentzgistem jare.

Source Fulltext: Peter Peusquens