Ich Swester Margret von Mistelbach ze den zeiten Priorinne der Geistleichen Vrown Chloster datz sand Mariamagdalen vor Schottentor ze Wienne und .. wir der Convent gemain daselbs wir ver-gehen und tun chunt fuer uns und fuer unser nachkomen offennleichen mit dem brief umb die unslidwag die wir langtzeit von genaden von unsern Lieben herren und fuedrern .. dem purger-maister und .. dem Rat der Stat ze Wienne ynnegehabt haben. Darumb wir hintz got umb irer sel hail und umb ir Lankchleben ewichleichleichen fuer sew pitten wellen das wir dieselben unslid-wag damit man das unslid in der egenanten Stat ze Wienne wigt, noch nicht anders, denne nur Lautterleich von sundern gnaden haben sullen auf ein widerruffen wenne si uns derselben wag nicht lenger lazzen wollent Mit urchund ditz briefs besigilt mit des Egenanten unsers Convents anhangundem Insigil Geben ze Wienne des nasten Sambtztags nach sand Jacobs tag in dem snit. Nach Christs gepurde drewtzehen hundert jar darnach in dem Sechs und Sybentzigistem jare.

Source Fulltext: Peter Peusquens