Wir Leupolt von gots gnaden Hertzog ze Oesterrich ze Steyr ze Kernden und ze Krain Graf ze Tyrol etc. veriehen und tun kunt offenlich mit disem brief fur uns und unser erben Als unser lieben getrewen Peter von Torberg unser hofmaister, Hans von Trawen, Leupolt pharrer ze Medlik, Hans Kneuzzer, Nyclas Wuerffel, Niclas Stainer burger ze wienn, Hans Stainhuelber die zeit mautter ze Lyntz, Niclas Guelher die zeit Richter ze Ens, und Hêrtel Kramer burger ze Wels, gen dem edeln unserm lieben Oeheim Graf Hainrichen von Schawnberg fuer zway tausent phunt wienner phenning, die er uns berait gelihen hat, Selbgeschol und puergel worden sind, Haben wir in verhaizzen und gelobt, verhaizzen und geloben auch wizzentlich mit disem brief, daz wir si und ir erben, an allen schaden davon ledigen und bringen wellen an alle geverd. Mit urkund ditz briefs. Geben ze Wienn an freitag vor sand Joergen tag. Nach kristi gepuert dreutzehenhundert Jar, darnach in dem Acht und Sibentzigistem Jare. dominus dux per se.

Source Fulltext: Peter Peusquens