Ich Mert von Altenhofen purchgraf auf Goldenstain. Vergich offennleich mit dem brief, Das mich die erbern weysen..der purgermaister und..der Rat der Stat ze Wienne, verricht und betzalt habent ochthundert phunt und Sechsundzwaintzig phunt wienner phenning, und habent meinen quittbrief ynne umb drewhunder phunt, und han ouch dasselb gelt, yngenomen und enphangen meinem Genedigen herrn Graf Moinharten von Goertz an dem gelt, das si demselben meinem herren gelten sullen, und sag ouch si des ledig und loez an desselben meins herren stat vor aller ansprach. Mit urchund ditz briefs . besigilt mit meinem anhangunden Insigil. Und mit der zwaier erbern mann Insigiln Hermanns von Eslarn und Leuppolts des Metsakchs die der sache zeugen sind mit iren anhangunden Insigiln. Geben ze Wienn an sand Laurentzen abende des heiligen marterer anno LXX° octavo.

Source Fulltext: Peter Peusquens