Ich Niclas der Magseyt ze den zeiten Judenrichter ze Wienn Vergich offenlich an dem prief Das fuer mich chamen, Lêsel der Hêring und Nêkchel der Jud von der ansprach wegen, die derselbig Lêsel, het hintz, Nêkchlein dem Juden umb fuemf phunt wienner phenning di er im ueberigs solt geben haben ueber das gelt das er im schuldig gewesen wêr, und umb einen Silbreinn Pecher, den er im auch nicht wider geben wolt und chriegten darumb paidenthalben vor mier als verre, daz der vorgenant Lêsel, daz mit guetem willen zoech an denselben Nekchlein den Juden, und der enprast, im do darumb, vor mier und nam sich davon als er ze recht solt und auch so verre, das er fuerbas umb die vorgenanten fuemf phunt phenning und umb den Silbreynn Pecher, vor dem-selben Lêserlein, dem Hêring schol, ledig frey und beruebt beleiben vor aller ansprach. Und des ze urchuend so Gib ich Nêkchlein dem Juden den prief versigelt mit meinem Insigel. Der prief ist Geben ze Wienn nach Christi gepuerd drewtzehenhundert jar darnach in dem Newen und Sibentzigistem jar des naesten Phinztags vor sand Angnesen Tag.

Source Fulltext: Peter Peusquens