Robertus Dei gracia rex Ierusalem et Sicilie, ducatus Apulie et principatus Capue, Provincie et Forcalquerii ac Pedimontis comes, universis presentis indulcti seriem inspecturis, | tam presentibus quam futuris. Libenter et prompte dubitationes elidimus, ut litigandi materiam nocuam auferamus. Ibique precipue nostrum ad ista versatur officium, ubi cultus iusticie leditur et favor ecclesiasticus in|formiter impugnatur. Sane recolende memorie Dominus Pater noster religioso monasterio Sancti Petri ad Castellum ordinis Predicatorum de Neapoli, prope Castrum Novum posito, privilegium concessit per omnia te|noris et continencie subsequentis. “Karolus secundus Dei gracia rex Ierusalem et Sicilie, ducatus Apulie et principatus Capue, Provincie et Forcalquerii ac Pedimontis comes, universis presens privilegium inspec|turis tam presentibus quam futuris. Quis causetur ne princeps suas divine clemencie prestancius quam aliis largiciones exibeat, nullus certe in quo sanus vigeat intellectus, profecto cum ab ea recipiat, cuncta que | habet humana condicio circa illam necesse est ut immensitas donacionis exuberet ac munificencie gracia de p[r]omptuario profuse liberalitatis emanet. Sane ad monasterium Sancti Petri ad Castellum de Neapoli quod | sub speciali nostra proteccione ac defensione consistit pium habentes devocionis affectum in cuius claustrali am[bi]tu ven(erabilis) mulier domina Elisabet, filia bone memorie .. regis Ungarie, soror nostra dilecta alieque mo|nastice mulieres degunt sub beati Dominici, confessoris regula, ipsum gratiosis favoribus libenter prosequimur et fructuosis privilegiis promptis affectibus adaugemus. Quapropter, ius pisc[an]di seu piscariam cum redditibus | et proventibus suis in mari quod est prope Neapolim, ab Capite Transverso usque ad Sanctum Basilium, per plagias suas et litora infra mare ad mensuram passuum solitam et antiqua[m], p[re]fato monasterio Sancti Petri | ad usum et victum religiosarum earum a[liarum]que personarum ibi ad obsequium ipsarum morancium de certa nostra sciencia damus, donamus et tradimus et ex causa donacionis proprii motus instinctu concedimus divine carita|tis intuitu de liberalitate mera et gracia speciali. Ita quidem, ut nulli liceat, cuiuscumque status preheminencie aut condicionis existat dicta piscaria seu percepcione iuris redditus [a]ut proventus eiusdem, uti sine licen|cia prioris dicti monasterii qui sit aut fuerit ibi pro tempore sed per ipsum priorem, vel eius mandato pro eodem monasterio, dicta piscaria et eius iuris percepcio et exaccio pariter habeatur, recipiatur et fiat absque im|pedimento et obstaculo cuiuscumque. Investientes, religiosum virum, fratrem Iohannem de Pennis ordinis fratrum Predicatorum, vicarium dicti monasterii ipsius nomine per nostrum anulum, presencialiter de pisca|ria seu iure redditibus et proventibus supradictis. In cuius rei fidem perpetuamque memoriam et monasterii predicti cautelam presens privilegium fieri et pendenti maiestatis nostre sigillo iussimus communiri. Actum Neapoli, presentibus Iohanne Pipino de Barolo nec non et Nicolao de Summa, Magne Curie nostre, magistris rationalibus, militibusc acd magistroe Matheof Filimarini de Neapoli, utriusque iuris professore et Magne Curie | nostre appellacionum iudice, dilectis consiliariis, familiaribus et fidelibus nostris ac pluribus aliis et datum ibidem per manus Bartholomi de Capua, militis logothete et prothonotarii regni Sicilie, anno Domini | millesimo trecentesimo octavo, die nono iulii, sexte indiccionis, regnorum nostrorum anno vicesimoquarto”. Post cuius concessionis inducltum, prefatum monasterium eiusque ministri piscaria iamdicta seu iure piscan|di sunt usi, piscantes alios illis uti pluries iure precipuo prohibentes. Sed factum est, sicut dedit eventus, quod idem monasterium et ministri per aliquos cives Neapolis turbati sunt in ipsa possessione piscandi, alle|gantes et pretendentes expresse quod in eadem piscaria ius ipsis civibus specialiter competebat. Dumque dicta turbacio ulterius pertransiret ad audienciam nostram est exinde querela deducta. Nos autem auditis aliquibus | tangentibus causam ipsam, dum nos pararemus ad iter in comitatum nostrum provincie accedendi usque ad nostrum reditum de comitatu prefato, in causa ipsa supersederi mandavimus donec audiencia nostra ipsum litigium | terminaret. Redeuntibus itaque nobis de partibus comitatus, eiusdem prefata querela repetita perstrepuit et habuit allegacio civium eorundem quod cum mare commune sit omnibus prius occupanti conceditur quam | per beneficium principis acquiratur. Dictorum vero monasterii et ministrorum eius racio allegata produxit quod principalis auctoritas in communibus eciam potestatem obtinet ius maris proprium ad privatam for|tunam efficiens pertinere. Pluribus aliis racionibus hincinde propositis et seriosius allegatis. Eapropter in consideracione vertentes quod nostrum est litigia tollere, dubia declarare illaque precipue que in privilegiis pater|nis aut nostris incidunt vel lesionem iusticie aut ecclesiasticam causam tangunt, presentibus partibus declarando decernimus et decernendo declaramus concessionem paternam piscandi prefatam, factam dicto monasterio, | ut prefertur, cum iuribus, redditibus, proventibus et racionibus suis vim habere perpetuam et duraturam efficaciam obtinere. Illam de certa nostra sciencia confirmantes prefatis civibus et quibuscumque aliis memoratam causam | seu titulum allegantibus aut pretend[ent]ibus ab eorum instancia peticionis et allegacionis exclusis perpetuum super illis silencium impone[nt]es. Sic equidem quod predicta paterna concessio huiusmodi confirmacio de | [..............................†]g nostre presidium incommutabiliter sint reales. Nec aliquis de predictis civibus vel aliis quibuscumque contra predictas concessionem paternam nostrasque confirmacionem, declara|cionem, decretum et imposicionem silentii, d[eclara]cionem et allegacionem huiusmodi in iudicio vel extra iudicium quomodolibet admictantur. Ut benefica gracia per eundem Dominum Patrem nostrum, monasterio prefato con|cessa ab omni dubitacione remota man[su]ra permaneat et nullius contradiccionis aut impugnacionis obstaculum per cuiusvis malignantis astuciam probabiliter pertimescat. In cuius rei testimonium et mona|sterii memorati cautelam presens indulctum exinde fieri et pendenti maiestatis nostre sigillo iussimus communiri. Datum Neapoli per manus eiusdem Bartholomei de Capua,h militis logothete et prothonotarii regni Sicilie. Anno Domini millesimo trecentesimo vicesimo quinto, die vicesimo secundo marcii, | octave indiccionis, regnorum nostrorum anno sextodecimo. (SP D).