376.

Wir Emch von gots genaden bischolf ze Freisingen tun chunt allen den di disen brief sehent vnt horent, daz vns gewizzen ist mit der warhait vnt daz vns iz gesagt habent erbaer levt di da bi ge wesen sint vnd iz horten vnd sahen, daz vnser voruar bischolf Fride- reich von Freisingen mit saezzen vnd mit ouzgenomener rede als noch sein brief veriehent vnserem lieben vreunt heren Meynhart dem edelen grauen von Tyrol vnt von Górz, der vogt ist ze Agelay, ze

400

Trient vnt ze Brixen, daz halbe tayl an der burch Evrs in Vinschev vnt an dem vrbor daz zñ der selben burch höret, auch halben tayl verüben hat ze rethem lehen im vnd seinen erben als iz di grauen von Mosburch in rether lehens gewer brahten vnz an ir tot von dem gotshous von Freisingen. Nu veriehen ouch wir bischolf Emch daz wir von sunderen genaden im grauen Meynhart vnserm lieben mage vnt seinn erben den andern tayl an der selben burch Evrs vnt an demselben vrbor daz zû der selben burch gehöret, daz dem gotshous von Freisingen was ledich worden, verlihen haben ze rethem lehen gesuchet vnd vngesuchet, als iz di vorgenanten grauen von Mosburch ze rehtem lehen von dem gotshaus von Freising heten gehabt. So hat auch vnser lieber vreunt graue Meynhart von Tyrol vns gelobt in vnser hant mit seinen trewen vnt hat sich vns des gebunden, daz er vns vnt vnserm gotshous von Frising trewe vnt warhait immer mere laeisten sol unsern vrum ze vorderen vnd vnsern schaden ze wenden als verre in seine sinne leiten vnd sin maht, vnd hat vns avch des sunderlich gelobt, daz er vnser levt vnd vnser güt vnd swaz vnser gotshovs an boret, swa ez in seiner herschaft ist, svnderlich vor allem gewalte vnt vor allem vnrehtte schermen sol mit gvten trewen, des ouch wir im wol getrowen. Vnd daz disev lehenschaft als vor be scheiden ist, immer mer stete beleihe, so geben wir im vnd seinen erben disen brief ze aeinem rehtten vrchûnde mit vnserm hangenden in- sigel, vnt sint diser lehenschaft gezevge maister Heynrich der probst von Wertse, maiser Herman der probst von Ardacher di chorherren sint ze tume ze Frising, her Heynrich von Woluoltstorf, her Rvtholt der Gehelspech vnsers gotshous dienstman, her Heynrich von Owen- stayn graue Meynhartes dienstman von Tyrol vnd Wilhalm des selben grauen Meynhartes Schreiber, vnd dizze ist geschehen an dem vrbar ze Taezzen an der Sawe nach Christes. geburt vber tousent vnt zwayhundert iar an dem drei vnd ahtzgistem iar, des nahsten Mantages vor sunewenden Johannis baptiste.

Orig., Pgt., anbgdes Sigel, k. k. geh. Haus-, Hof- und Staatsarchiv zu Wien'; Font. rer. Anstr. II./1, 212, Nr. 43.

401