406.

Ich Chunrat ein ritter genant von Zauch tuen chunt allen den di disen brief sehent vnde hórent lesen, daz ich vnde Rüdiger mein sein der zekagen was, mit miner hant vnd mit der seinen fur vus beide vnd für alle meiniu chint vnde erben oder nachchomen vf ge geben vnde verzigen han minem herren pischof Emchen von Frisin- gen in sine hant sinem gotshuse ze ewigem recht an allez vnder- dinge allez daz recht daz Perchtold von Luchsenekke mit nutz vnde mit gewer gehabt het vnde mier vnde minen chinden an sinem lesten geschaffen hat vf dem bus vnd hofstat ze Weidhouen zwischen der statmaur vnd der Ybs, ze swelchem reht er ez her bracht biet, vnd han gelopt für mich vnd diu selben chint vnde erben, daz wir der vorgenanten vfgabe vnde vürziht sin vnd seines gotshauses gewer sein swa vnde swen ez ze recht an vns bracht wirdet fur alle an sprache diu in oder sein gotshaus au gegen mócht von minen chinden oder erben oder nachchomen, vnde veriehen des auch beide, daz der vorgenant vnser herre der pischof' vns darumbe gegeben bat zehen phunt Wienner phenningc nach rate meiner lieben herren hern Mar- quarts des abtes von Tegernse, hern Hugen des wildengrauen, bern Otten von Zelkingen vnde der andern, die des vnderteidinger waren vnde den ez geoffent wart die hie verschriben sint, her Albrecht der hofmeister, her Heinrich von dem Wasen, her Vlreich von Schaffer- ueld, Ekkehart von Pauleuten vnd ander ritter, knappen vnde purger. Daruber han ich disen brief ze Urkünde heizen verschreiben, ver sigelten mit minem hanginten insigel datze Weidhouen, des iares von unsers herren gepurt tausent iar, zweihundert, iar. in dem dri vnde niunzegistem iar, des Suntages vor sant Michelstage.

Orig., Pst., anhgdes Sigel, k. k. geh. Haus-, Hof- und Staatsarchiv zu Wien; Font. rer. Austr. Il./l, 258, Nr. 89.

446