Ich Vlreich Velacher von Waldenberch vcrgihe vnt tun chvnt allen die disen brief ansehent oder hórent lesen, daz ich sogetan ansprache vnd min swester Liukart weilent Berchtoldes des Dvlachers witwe gehabt hat hintz minem herren dem ersamen bischof Emehen von Frisingen vnd sinem gotshause vmb ir gut daz si von demselben Dvlacher irm wirte augehorte, an der selben miner swester stat diu ir reht vor dem erbaern ritter herrn Germanne von Waldenberch mir auf gab hintz mins herrn des bischofs gnaden, dvrnächtichlichen ge- lazzeu han vnd mich wol genügt swaz er mir gegebn hat dar fvr daz wol auf fvnf march geziuhet, verzihe mich fvr mich vnd min swester Liukart vnd alle vnser erben aller der ansprache die wir furbaz hintz dem vorgenanten minem herren dem bischof oder bintz sinem gotshause mochten gehaben, vnd waer daz vnser dehains fvrbaz dar vber icht anders suchen wolte, dar vmb setzzeu wir den vor gesebriben hern Germanne ze porgen der daz vber sich hat genomen vnd geit disen brief mit sinem insigel ze ainer vrchvnde dar vber. Ich German von Waldenberch vergihe daz ich mins herren burge bischof Emchen von Frisingen bin als vor geschriben ist, swelhen schaden er oder sin gotshause furbaz vmb die ansprache nimt, daz ich im den ab sol tün, dar vber gib ich min insigel an disen brief nach des vorgeschriben Velachers ze ainem vrchvnde. Der brief ist geben ze Lok da von Christes geburt waren tausent iar zwei- hvndert iar vnd in dem fvnften vnd nivnzigisten iar, des Vreitags nach sant Margareten tag.

Orig., Pfft., anhgdee verletztes Sigel, k. Reichsarchiv zu München.

454