303.

Ich Alheit von Reinsperch witeb hern Engelschalkes von Reins- perch tvn allen den kvnt die disen brief ansehent, daz ich den crick den ich mit minem herren dem bischof Chvnrat von Frisingen vber daz havs ze Randek het vnd vber daz vrbor, cehenten vnd manshaft, also ez zv dem vrbor ze Randek gehöret vnd gehören shol, vnd auch vber ander manshaft div in mines herren des bishoffes luzze leit ze Vdmaruelt vnd andersva, gesuechet und vngesuechet, daz ich im vor hete nach mines wirtes tode, also geslihten han vnd zerfvret nach sinen genaden, daz ich dar gie vnd in sin hant gap allen den crick vnd allez daz reht, des ich auf daz guet, daz da hie vor genant ist iach oder geichen mohte vnde darvon stuent vnvershaeidenlichen vnd daz er mir die genade tet nach sines rates wisunge, daz er mir daz vrbor vnd die purk, zehenden vnd die manshaft ze Randek gelihen hat ze einem leipgedinge ze min eines leibe vnd niht fvrbaz, also div Sliffach genhalp get vnd niht fûrhaz, also obe ich einen wirt nem oder kint gewinne, daz div nihtes niht rehtes nach minem tode auf daz guet daz da vor benennet ist, sbûlen iehen wan daz ez sacehant an daz gotezhavs ze Frisingen vreilich an allen criek shol gevallen. Darzv han ich minem herren dem bishof geheizzen bi minen trinen also ich sweren shol, daz ich des vrbores, noch des cehenden, noch der manshaft ze Randek also si dar gehöret nihtes niht an werden shol weder mit verkavffen, noch mit versetzen, noch mit deheinen

326

anderen dingen, vnd ob ich daz tete wider min gelûbde, daz shot dehaeine stete haben vnd darzv shol ich von dem rehte des ich an dem leipgedinge gih, gaenzlich sin gevallen. Swaz aber der anderen manshaft ist die her Engelshalch min wirt von dem goteshavse ze Frisingen het disehalp der Sliffach ze Udmarvelt vnd anderswa auf des goteshavses aeigen von Frisingen, da bin ich gar von gestanden vnd han mich sin vercigen, also daz di selben manshaft min herre- der bishof haben shol an criek ebiclichen vnd sin nachcomen. Darzv

o

nach miner bet vnd nach minem haeizze hat Wlvinger der auf dem havse ze Randek sitzet minem herren dem bishof gehaeizzen bi sinen triwen also er sweren shol fur sich vnd für siniv kint, ob er oder siiicr kinde deheinez mich vberleben, daz div dem lehen der pvrge ze Randek vnd des lehens des si habent daz zv der pvrge gehöret, niedert nachvolgen, wan datze minem herren dem bishof oder datze sinem nachcomen. Vnd dar vmme daz dirre satz vnd disiv verebe- nunge zwishen minem herren dem bishof vnd mir dester grôzer stete hab. hau ich disen brief gegeben mit meinem hangenden insigel. Disiv verebenunge ist geshehen des iares do Christes gebvrte was tausent zweihundert vier vnd sibencek iar, an dem dricehendem tag eingehendes Hornunges. Bi der verrihtegung sint dise gezivge ge wesen, min lierre abbet Ruedolf vnd her Purkart der custer von Sitanstete», probst Heinrich von Isn, magister Herman vnd magister Vlrich mines herren des bishoffes shcriber, her Heinrich der pfarrer von Gemnik, her Marquart Privhauen vnd her Vlrich von Lvhsnik zwen reifer, her Otte von Volkenstorf ein dienstman von Osterrichhe, Ul. vnd Friderich ewen gepruder von Shaffervel, Heiurich vnd Mar quant vnd Fridrich von Lvhsnik, Jubart von Vdmaruelt, Ott von Mitterchirchen, Chvnrat der scriber von VVaeidhouen, Haeinrich

o

Ponhalm, Wlvink von Randek, Ott der Havener, Wernhart Werder, Reicher Wolfstern, AI. von Windishdorf, Gugginger, Otto, Livpold, AI. des ammannes sun hern Liupoldes, ewen Grezzenperger, der Pibr. vnd ander piderbe leite.

Orig., Pgt., 2 anhgde. Sigel, k. k. geh. Haus-, Hof- und Staatsarchiv zu Wien; Meichelbeck II./l, 81; Font. rer. Austr. И./1, 169, Nr. 1.

327