369.

Nos Fridericus dei gracia Frisingensis episcopus notnm cupi- mus fieri tam presentibus quam futuris, quod rcsignatis domino Ch. venerabili predecessori nostro felicis recordacionis septem libris denariorum Monacensium quos Fridericus miles de Friuutsperch dilectus noster dapifer et ministerialis de theloneo Monacensi tenu- erat loco prouentuum sui dapiferatus officii, idem predecessor noster redimens ab eodem Fr. pensionem vii librarum sibi curiam nostram sitam in villa que dicitur Homeras dyocesis Brixinensis, in recom- pensacionem pro xxx libris denariorum Monacensium ante anuos aliquot obligarat. Veniens itaque ad nos prelibatus noster dapifer a iure quod ei in predicta curia competebat, cessit libere et absolute, renuncians omnibus instrumentis sev litteris sibi super obligacione sepedicta editis et conscriptis. Nos quoque restituimus seu reassig- nauimus eidem F. usus fructus sepedicti sui officii recipiendos annis singulis secundum consuetudinem a retroactis temporibus approba- tam. In cuius rei testimonium presentem cedulam conscribi iussimus

nostri et prefati F. sigillorum munimine roboratam. Huius rei testes sunt H. Mosburgensis, H. Isinensis, E. sancti Viti. magister H. Wer- densis, magister Her. Ardacensis, C . Inticensis, 0. Sliersensis eccle- siarum prepositi, C. et M. canonici Frisingenses, L. miles de Pûtel- pach, L. Vertingus et H. Vertingus ministeriales Frisingenses, C. miles de Heslang, Vi. miles de Vellenberch et AI. frater eiusdem et alii quamplurimi fidedigni. Datum et actum Frisinge, anno domini millesimo CC. LXXXI., nonis Marcii.

Cod. 191. f. 6S, k. Reichsarchiv zu München; Meichelbeck II. 1. 89.