Ego Heinricus de Winchel Constare volo vniuersis, ad quorum audienciam peruenerit presens scriptum, quod cum voluntate omnium heredum meorum Curiam, que mulperghof dicitur, sitam jn Machlannd viris religiosis Abbati et Conuentui Monasterij in Pawngartennperge ad proprietatis titulum libere et absolute vendidi pro Quinquaginta sex libris denariorum Wiennensium rite michi et racionabiliter persolutis, Ad quem sane contractum vallandum eiusdem curie Auctorem, quod vulgo gwer dicitur, eisdem videlicet Abbati et Conuentuj me simpliciter secundum jus terre constituj et contra quamlibet impetencium calumniam defensorem. Insuper predictis Abbati et conuentui pro maiori firmitate contractibus eiusdem Caucionem, que wlgariter Ebentewr appellatur, feci et prestiti super Vinea mea, que vnius est jugeris et sita in monte, qui geblinch dicitur, et super alijs rebus meis, quas nunc habeo vel quas iustis modis sum in posterum habiturus, que ad minus Valori predicte curie equipolleant et que secundum terre consuetudinem ad premissam videantur sufficere caucionem. In cuius facti euidenciam memoratis Abbati et Conuentui Monasterij prenotati presentem dedi paginam Sigillis scilicet domni leutoldi de Chunring, domni Johannis de Capella efficaciter roboratam. Huius rei testes sunt domnus. Marquardus de Osterwerch, domnus leutoldus de Mitterberch, domnus vlricus de lapide, domnus Chunradns de Vlacheneckh, chunradus et fridericus fratres dicti Stainer, Chunradus, Rudigerus, Otto et Vlricus fratres dicti hauser, Hainricus de Ymtzing, Walchunus de Mitterchirchen, Hainricus et Wecelo fratres de Erbing, Herwicus et Vlricus holtzarij et alij quam plures. Actum Anno domini Millesimo Trecentesimo sexto, VI. Nonas Maij.

Source Fulltext: OÖUB 4 (Wien 1867) S. 505-506, Nr. 542