Ich Ott von czelking vergich vnd tuen kundt allen den, die disen brief sehent oder horent lesen, das ich mein aigen datz Cholbing, das ich han gekauft von hainrichen dem Strettweser vnd Gebhardts kind von mir ze lehen habent, gegeben han durch got dem Gotshaws von Pawngartenperg vnd wil auch desselben aigens desselben gotshawss scherm sein nach lanndsrecht. Vnd gib darüber dem vor genanten gotshaus dis handtuesst versigelt mit meinem jnnsigel ze einem steten vrchund. Das ist geschehen, do von Christs geburd ergangen waren drewtzehen hundert jar vnd darnach in dem Subenden jar des nagsten Mittichen nach Sannd Georgen tag.

Source Fulltext: OÖUB 4 (Wien 1867) S. 523-524, Nr. 562