Ich Anna die Piberin und ich Mert der Piber ir sun und ich Kunigund ir tochter und mit uns all unnser erben wir verjehn und tu^en kundt offennlich mit dem brief, das wir zu kauften haben geben dem erwirdigen geistlichen herren abbt Jannsn und dem convent gemain zu Pawngartenperg unnsers freyen aigenns und ledigen und unverkümerten gu^ets unnser hofstat datz Mitterchirchen in dem dorff genant des Reschleins hofstat zenagst dem Pranghof und zwen a^egkher ainer gelegn zenegst dem pach der annder zenegst des Steger ackber alle drew gelegen in Mitterkircher pfarr mit alle den rechten und nutzen, die davon komen mügen, umb vier phund phenning wiener münss, der wir auch gantz und gar verricht und gwert sein zu rechten ta^egn an allen schaden. Das die red stat und unzerbrochen beleib, des geben wir in zu einem ewigen urchundt den offen brief versigelten mit meins sun obgenanten Mertn Piber anhangunden innsigel. Darzu haben wir auch gebeten die erbern lewt Ottn den O^eder von Sinperg und Leutolden den Hager von Erwing, das sy der sach auch gezewgen seindt mit irn anhangunden innsigeln in baiden an schaden. Unndter der vorgenannte dreyer innsigell verpind wir uns und unser erben wann wir ich vorgenante Anna di Pibrin und ich egenante Kunigund ir tochter aigner innsigel nicht haben. Der brief ist geben nach Cristes geburd drewtzehen hundert jar und darnach in dem ein und sechtzigisten jar des eritags nach sannd Ulrichs tag.

Source Fulltext: OÖUB 8 (Wien 1883) S. 35f., Nr. 34