Ich Herwort der Payr und mit mir all mein erbenn verjehn, das wir verkauft und zu kauffen haben geben meinen genedigen lieben herren abbt Jannsen und dem convent gemain zu Pawngartenperg unnsers ledigen und imverku^emerten gu^ots zway lehn zu Cholwingen gelegen in Erwinger pfarr die unser recht lehn sind von den hochgeporenn fu^ersten zu O^esterreich, und ist zu den zeiten auf ainem O^ettl gesessen und auf dem andern Ulrich der Schmid. Die zway lehn haben wir in zu kauffen geben . . . umb sechs und sechtzig phund phenning wiener mu^enss die sy uns berait darumb habent geben, und sein auch der ganntz und gar gwert an allen schadn. Und haben auch wir in die aufgeben vor unnserm rechten lehnherren dem hochgeborenn fu^ersten hertzog Albrechten ze O^esterreich und hat auch er den vorgenannten herren und dem gotshaws ze Pawngartennperg zu trost seiner seel und aller seiner vodern seel die aigennschafft der zwaier lehn und alles das darzue geho^ert durch Got geben und dem chloster geaigennt also, das sy und all ir nachkomen die sullen haben in aigenns gwer und allen irn frumm damit schaffen als mit annderm irn freyen aigen das zu irem chloster geho^ert als sy des urkundt von im darumb habennd, und sol auch ich vorgenannter Herwort Payr und all erben und frewndt hintz den vor geschribenn zwain lehen und hintz allen die und darzu geho^ert nymmer mer khain ansprach geheben. Das die red sta^et und unzerbrochen beleib, des geben wir ich oftgenannter Herwort der Payr und mein erben den vorgenannte herrn und dem Gotshaws zu Pawngartennperg zu einem ewigen urchund den offenn brief versigelten mit des erbern herren hern Eberharts von Cappelln hawbtmann zu Enns und herrn Ottens von Volckenndorf anbangunden innsigeln und mit der erbern knecht Leutolds des Stainrewtter und Leutolds des Hager anhangunden insigeln und auch mit des erbern mann Chunratz des richter zu Greyn anhangunden innsigel, die wir darumb gebeten baben, wann ich egenannter Herwort der Payr noch mein erben zu der zeit selb nicht aigen innsigel haben gehabt. Darumb verpind wir uns mit. unnsern trewen unnder die innsigel alles das sta^et zu haben das an dem brief verschieben ist. Der brief ist geben nach Crists geburd drewtzehen hundert jar darnach in dem fu^enfundsechtzigisten jar an sand Anndres tag.

Source Fulltext: OÖUB 8 (Wien 1883) S. 252f., Nr. 251