Ich Erhart der Hagen von Spilberch vergich umb das leibgeding das ich gekauffet han von meim lieben ohaim Ortolffen von Ybs purger ze Passaw und frawen Annen seiner hausfrawen und Anndre ir baider sun, das sy gekaufft und gehabt habent von dem erwirdigen geistlichen lierren dem abbt und dem convent ze Alderspach ze ir vor genanten dreyn leiben auf den guetern ze Ziercna^ern in dem dorff und umb das dorf, und ze Mauthausen nach der egenanten geistlichen lierren brief sag den sy in daru^eber geben habent und den sy mir geben haben mit samt irem brief, dieselben baid brief mit dem egenannten leibgeding und die egenanten gueter mit all dem rechten eren und nutzen als sy es gehabt habent und es nun in mein gewalt komen ist, han ich lautterlich und lediclich geben mit denselben rechten eren und nutzen dem erwirdigen geistlichen herren abbt Hannsen und dem convent gemain ze Pawngartenberg also beschaidenlich, das sy hinfu^er den egenanten dreyen leiben alles das davon raichen und tuen sullen nach des briefs sag den ich von in darumb hab. des zu urkund gib ich in den brief versigellt mit meinem anhangunden innsigel. Und der sach ist gezewg der erber Lorentz der Pla^etl burger ze Ens auch mit seim anhan¬gunden insigl. Der geben ist an sand Kunigunden tag nach Christi geburd dreytzehen hundert jar darnach in dem acht und sechtzigisten jahr.

Source Fulltext: OÖUB 8 (Wien 1883) S. 368, Nr. 373