CI.

Pankraz-Capelle am Hof.

Ich Hainreich Walich der aderlazzer, purger zeWienne, vnd ich percht, sein Housvrowe, veriehen vnd tvn chvnt allen den, die disen brief lesent oder hórent lesen, daz wir mit vnser Erben gutem wil len vnd gvnst, mit verdnhtem mvt vnd mit gesamenter hant, zu der zeit, do wir iz wol getfin mohten, vnd mit vnsers Grvntherren hant, hern Albrehts, der zv den zeiten Chappelan vnd verweser was der Chappellen in des Herzogen purch ze Wienn, verchovft haben ein phunt geltes wienner pfenning auf vnserm Hovs, daz da leit in der Cherner strazze, vmb zehen pfvnt wienner pfenning, der wir gar vnd reht gewert sein, dem Erbern manne Seifriden dem Swertfur- ben vnd seiner Housvrowen, vron Gedravten, ledichleichen vnd vrei- leich ze haben vnd allen ir n frumen damit ze schaffen, als iz in wol chom vnd fuege. Die habent dazselb pfunt Geltes gegeben ze

121

rehtem widerwechsel der Chappellen ze sant Pangraetien, die da leit auf des Hertzogen Hof ze Wienne, ffir ein pfunt geltes, daz in an den zwelf Schilling Geltes abgeschlagen ist, die si dienten ze pfirchreht hintz Sand Pangracien von ir Hovs, daz da leit in sand Johans Strazze, vnd sullen ovch wir, oder swer daz vorgenant vnser Hovs nach vns besitzet, daz vorgesprochen pfunt Geltes davon dienen hintz Sand Pangracien ze drin zeiten in dem Jare mit allem dem Reht, als man an der Pfirchreht hie ze Vfienne dient, achzich pfen ning an Sand Jorgen tage, achzich pfenning an Sand Mychels tage vnd achzich pfenning ze weichnahten, alsoauzgenomenchleich, swann daz ist, daz wir ein ander pfunt Geltes hintz Sand Pangracien ge- chouffen innerthalb der Purchmawer ze Vfienn, daz als gut ist, so sol vnser Hovs des pfunt Geltes von Sand Pangracien Chapellen ledich sein in allem dem Reht, als iz vor gewesen ist. Ich Albreht, der Chapplan vnd Verweser der Chapellen in des Hertzogen Piirch ze Wienne, vergich, vnd gesten alles des, daz an disem brief geschri- ben stet, daz daz geschehen ist mit vnserr gvnst vnd mit vnserr hant, vnd geben darvber ze einem offenn vrchvnd vnd zv einer ewigen stetichait vnser Insigel an disen brief gehangen, vnd sint ouch des Gezevg her Helmweich, der ê Chapplan was ze Sand Pangracien, her Gerhart, her Hainrich, her Perchtram vnd her Bietreich die priester, her Chunrat der witze, her Chunrat der Perchmaister, Rueger von Regenspurch vnd Ott vnd ander ersamer laeut genuch. Ditz ist geschehen vnd ist diser brief gegeben ze Wienn , do von Christes gebärt warn ergangen Tousent iar drev Hvndert lar dar nach in dem Sibenten Iar, des vreytags in den ersten vier tagen in der vasten.

Original auf Pergament mit Siegel.