CXVII.

Ich Wolfger der Stoiberger von Judenowe vnd mein Hovsvrowe vcr Otilie wir veriehen vnd tvn chvnt allen den , die disen prief lesent, horent oder sehent, die nv lebent vnd hernach chvnftich sint, daz wir mit bedahtem muet, mit zeitigem rat vnserr vreunt, mit willen vnd gvnst aller vnserr gecrben vnd mit gesamter hant, ze der zeit, do wir ez wol getuen mohten, haben verchauffet vnsers rehten vnd vreien aigens ein Hofstat, di wir ze Veltz gehabt haben, davon man vns dienet alle lar zwen vnd Sibentzich phenning, vnd die hab wir gegeben dem Erbern herren Apt Nichlasen von den Schotten ze Wienne vnd sinem Goteshovse mit allem dem rehten, vnd wir ei emulen gehabt haben, ledichlichen vnd vreilichen ze haben vnd allen sinem vrvmen damit ze schaffen, swie im Iiep ist. Vnd durch bezzer Sicherheit, so hab wir dem vorgenanten herren Apt Nichlasen vnd sinem Goteshause darvber rehten scherm gelubt fur alle ansprach, baide wir vnd alle vnser gecrben, als aigens reht ist in dem Lande ze Osterreich , vmb sehtzich vnd sehs phvnt wienner phenning, der wir reht vnd redelich veribtet sein, vnd darvmbe, daz daz alles also staet vnd vnzerbrochen beleiben, des gib ich vorgenanter Wolfger der Stoiberger vnd mein Havsvrowe ver Otilie dem oftgenanten her ren apt Nichlasen vnd sinem Goteshavse disen prief ze einer ewigen hestaetigunge diser sache versigelten mit minem Insigel. Vnd sint ouch des gezevge die erbern leute her Chvnrat der Mvnch von Tuln, her Wolfhart der Lachsendorf er, der Ott des Hevnlein Svn, Gerwich, Bitterolf in der wiennerstrazze vnd ander frvm lent ge- nuech. Diser prief ist gegeben, do von Christes gepurt waren ergan gen Tausent lar Drev hvndert lar vnd darnach in dem zehenten fare, an sand Nichlas tage.

Original auf Pergament mit Siegel.

138