CCVII.

Ich Gotfrit der Edlinch vnd ich Margret sein hausurowe vnd ich Nichlas der Edlinch sein brfider Wir vergehen vnd tvn chvnt allen den, die disen brief lesent oder horent lesen, die nv lebent vnd hernach chvnftich sint, vmb vnser Lehen, daz da leit ze Staêmestorf, ze velde vnd ze dorffe, daz wir ze Lehen gehabt haben von dem Edeln Hochgeborn forsten Hertzoge Albrechten ze Osterreich, ze Steyr vnd ze Chernden, vnd der die aygenschaft desselben vnsers

235

Lebens gegeben hat den erbern gaistlichen vrowen datz sant Chlarn ze Wienne, daz vns dieselben gaestleichen vrowen datz sand Chlarn daz vorgenant Lehen ze rechtem Purchrecht verliben habent vnd es auch von in ze rechtem Purchrecht enphangen haben, also daz wir, oder swer dazselbe vnser Lehen nach vns besitzet, fflrbaz alle iar davon dienen svln Ewichleichen den gaestleichen vrowen datz sant Chlarn vnd allen ir n nachchomen Sechtzehen wienner phenninge an sant Górgen Tage ze rechtem Purchrecht vnd nicht mer. Vnd daz disev sache fvrbaz also staet vnd vnzerbrochen beleibe, vnd wand wir selber nicht aigener Insigil haben, darvmb so geben wir In disen brief zv einem warn vrchvnde vnd zv einer ewigen vestnvnge diser sache versigilt mit des erbern Ritter Insigil hern Chvnrats des iV««- dorffer vnd mit vnsers Pruder Insigel Albers des Edlinga vnd mit Hainreichs Insigil des Pergmaisters von Staemeinstorf, die wir des gepeten haben, daz si irev Insigil zv einem gezeuge an disen brief gehangen habent. Diser brief ist geben ze Wienne nach Christesgepurt drevtzehenhundert iar darnach in dem zway vnd viertzgisten iar, des naehsten Maentages vor dem auffert Tage vnsers Herren. Original auf Pergament mit drei Siegeln.