CCCLXI.

Ich Vlreich der Hunchoch von Nydernholaeprunn vnd ich Anna sein hausfrow vnd alle vnser erben wir vergehen offenleichen mit dem brief vmb den hof, gelegen ze Nydernholeprunn zenêchst Micheln den Zahen, vnd allez, daz darezue gebort, den wir ver- chaufft haben czaynczigen, vnd dez der Erbirdig geistleich herr her Hainreich, abt des Gotshaws unser vrown datz den Schotten ze Wienn, Gruntherr ist ze stifften vnd ze störn, vnd auch über den vorgenanten Chauff versigilt hat, daz wir vns dez gegen demselben erbirdigen herren Abt Hainreich datz den Schotten vnd gegen allen seinen nachkomen mit vnsern trewn an allez geuer verlubt vnd ver- punden haben, luben vnd verpinden auch vns gegen in wizzenlei- chen mit dem brief also, ob daz wer, daz si von dez besigelns we gen, so der egenant abt Hainreich vber den vorgenanten hof vnd sein zuegeborung getan hat, icht Chrieg oder zuespruch auferstund, von swem daz wer, mit recht, swaz si dez schaden nement, daz wir in daz allez ausrichten vnd widerchern süllen an allen iren schaden, vnd sullen auch si daz haben auf vns vnuerschaidenleich vnd auf allem vnserm guet, daz wir haben in dem lande ze Osterreich oder wo wir ez haben, wir sein lebentig oder tod. Vnd darüber so geben wir in den brief zu einem offem vrchunde vnd warn geczewgen der sache versigilten Ich obgenanter Vlreich der Hunchoch von Nydern- holéprunn fur mich vnd die vorgenanten Anna mein hausfrow vnd für alle vnser erben mit meinem aygen anhangundem Insigil. Vnd dez ist geczewgdererbêr man Seyfridder Geyczendorffer durch vnser vleizzigen pet willen mit seinem aygen anhangundem Insigil, in an

28*

436

schaden. Derbrief istgeben nach Christesgepurd drewczehenhundert iar darnach in drew vnd Newnczigistem Jar, dez Sampcztags in der ersten vastwochen.

Original auf Pergament mit zwei Siegeln.