CCCIII.

Wir Albrecht, von Gots gnaden Hertzog ze Osterreich, ze Steyr, ze Kernden vnd ze Krain, Graf ze Tyrol etc. Tun chvnt vmb die Sibendhalb Lehen gelegen ze Pirchenwort vnd vmb die zehen vier-

Fontes. ALth. II. Bd. XVIII. 23

354

tail zehent ze dem Dörfflein vnd ze Gavnestorff, grozzer vnd chlai-

ner, vnd limb das phvnt vnd zwelif phenning gelts ze Kobelsprrnn

vnd fvnftzehen Schilling vnd achtzechen phenning gelts auf vrber

Ekcher gelegen in der Rugerspraiten ze Gavnestorff, das alles vnser

getrewer Leupolt der Maltzer, Richter ze Gavnestorff, von vns ze

Lehen gehabt hat, Daz wir die aygenschafft derselben zehenten vnd

der phenninggult durch Gut lauterlich vnd durch vnser vorvordern,

vnsserselbs Selen vnd vnser erben hailes vnd trostes willen gegeben

haben zu der ewigen ftuchenmesse in der Pharrkirchen ze Gavnestorjf,

wan ouch der egenant Leupolt der Richter die vorgenanten zehenten

vnd die phenninggulte mit allem dem, so dartzu gehöret, zu mervng

Gottesdienstes und durch ewig selikait seiner Sele willen ouch dahin

gegeben vnd verschafft hat. Vnd dauon wellen wir, daz ain Pharrer der

egenantenKirchen, wer der ye zu den zeiten ist, dieselben zehenten

vnd phenninggulte mit allen nutzen vnd rechten inne haben, niezzen,

besetzen vnd entsetzen sol, als andere derselben Kirchen aygene

guter, nach ordenvng vnd sage der briefe, die der vorgenant Richter

darvber getan vnd gegeben hat, vnd wellen ouch wir der obgenanten

Kirchen scherm darauf sein vor gwalt vnd vor vnrecht ane geuer

mit vrchund ditz briefs. Geben ze Wtenn an Mittichen vor sand

Andres tage, nach Krists geburt drevtzehenhundert Jar darnach in

dem vier vnd Sibentzigisten Jare.

D. dux, р. С.

long, dispens. Original auf Pergament mit Siegelrest.