CCLXI.

Ich Nielas der Rogen vnd ich Katrey sein hausvrow wir veriechen mitsampt vnsern Eriben oflenleichen an disem Brief vnd tun chund allen den, di in sechent, horent oder lesen horent, di nu lebent vnd hernach chunftig sind, Daz wir mit guetem willen vnd mit verdachtem muet vnd nach vnser pesten vreunt rat ayn Jeuchart achers, daz gelegen ist ze Leupolczdorf auf dem vberlend vnd ist emaln vnser vreyz aygen gewesen, daz hab wir verebauft mit aygen- schaft mit alle dem beschaiden manneLarenczen ze Fhlderndorf vnd Reychkarten seiner bausvrowen vnd ir payder Eriben vmb vir pbunt Wienner phenning, der wir gar vnd gaenczleichen gericht vnd ge wert sein mit beraitem gelt. Vnd di vorgenanten aygenschaft, dev hat der egenant Larencz vnd sein Eriben mit gesampter hant ge macht vnd gegeben dem wirdigen Goteshaus vnser vrowen vnd den Schotten ze Wienn also mit auzgenomer red, daz er Larencz vnd sein Eriben furbaz alle iar an sand Michelstag zwen Wienner phen- nig ze purchrecht davon dienen sollen, als ander vberlendes recht ist in Österreich vnd nibt mer. Auch soi der vorgenant Larencz vnd sein Eriwen mit dem vorgenantem Jeuchart achers allen iren frum schaffen, verchauffen, verseczen vnd geben, swem sev wellen, an allen irresal. Vnd ob im Larenczen vnd seinen Eriben daran icht abgieng mit recht, daz sullen sev haben auf vns Nielan dem Rogen vnd allen sein Eriben vnuerschaideuleich vnd auf allem dem guet, daz wir haben in dem Lande ze Osterreich, wir sein lemtig oder Tod. Vnd daz diser chauf furbaz also staet vnd vnezebrochen beleib, des gib ich egenan- ter Niela der Rogen mitsampt mein Eriben dem vorgenantem La renczen vnd seinen Eriben disen prief versigelt mit meinem anhan- gvndem Insigel vnd mit des Erbern mannes Insigel Jansen des

>

297

Syrnieher, der diser sach geczeug ist mit seinem Insigel. Der Prief ist geben nach Christes geburd vber dreuczenhundert Jar darnach in dem acht vnd fumfczigistem iar, an sand Vrbans Tag. Original auf Pergament mit zwei Siegeln.