CCCXXXVII.

Ich Pernhart der Weydner vergich mitsamt allen mein Erben vnd tun chunt offenlich mit dem brief, daz ich gelten schol dem er bern chnecht Hansen von Hetzmastorf vnd vrown Annen, seiner hausvrown, vnd allen irn erben zwelifthalb phunt wyenner phenning, der wir sew oder, swer vns mant mit dem prief, vnuertzogenlich wer n vnd richten suln, zway phunt an saud Johanstag zu svnnbenten, der nv schirist chumpt, vnd di zehenthalb phunt wienner phenning

26*

404

an sand Michelstag, der darnach schirjst chumpt, vnd zu welichem egenanten tag wir des nicht tun, waz sev dann desselben fur die egenanten teg schaden nement hintz Christen oder hintz iuden oder swie der schaden genant wer, den sev an chlag vnd an furbot vnd auch vngeswarn ir ainer pei sein trewn gesprechen mag, denselben schaden mitsamt dem houbtgut schul wir in allen abtragen vnd widerchern an allen ir n schaden vnd an alle ir mu. Daz lob wir in mitsamd allen vnsern erben vnuerschaydenlich, also stet ze haben vnd zu laisten mit vnsern trewn in, oder swer vns mant mit dem prief, vnd sev suln auch dazselb haben auf vns vn- uerschaidenlich vnd auf allem vnserm gut, daz wir haben, swa wir daz haben, ez sei erib oder varunt gut, wir sein lemtig oder tod. Mit vrchunt ditz prief, den wir in darvber geben zu einem offen vrchunt der warhait der sach versigelten mit vnserm anhan- gunden insigl vnd mit vnsers guten freunt Fridreichs von Straif- fing anhangunden insigl, den wir fleizzichlich dar gebeten haben, daz er der sah also zeug ist mit seinem insigel, in an schaden. Der prief ist geben nach Christes gepurd drewzechen hundert iar vnd darnach in dem fumff vnd achtzigisten iar, an dem heiligen pfingstabent.

Original auf Papier mit Siegel, das Siegel Bernhard's des Weidner fehlt