CCCLIX.

erheben wollte. Wir Pruder Cholman zu den zeiten Abpt vnd der Conuent gemain des Chlosters zu dem Heyligen Chrewcz und alle vnser nach- chomen veriehen offenlich mit dem brief vnd bechennen vmb die vier phunt gelcz, die her Vlr eich, dieweil pharrer ze Purchslawncz vnd Chappellan dieweil sand Pauls alter zu der Himelporten, gehabt hat auf vnser padstuben pei der Himelporten in der Traibattenstrozz, vnd die wir von dem vorgenanten hern Vlreich haben abgelost, ye ain phunt gelcz vmb acht phunt wienner phenning, die der vorge nant her Vlreich vnd die maistrin zu der Himelporten mit irn insi- geln habent versigelt. Vnd denselben brief mugen wir im ze stund nicht gehaben. Darumb so wil vnser Gruntherr der vorgenanten vnser padstuben, der erwirdig geystlich herr her Donald Abpt ze den

Fontes. Abth. II. Bd. XVIIL 28

434

Schotten, sein insigel nicht anlegen an vnserm verchauffbrief noch besteten. Darumb so geb wir, bruder Cholman die zeit Abpt vnd der Conuent des Chlosters ze dem Heyligen Chrewcz, dem vorgenanten vnserm Gruntherren der obgenanten vnser Padstuben dem erwir- digen geystleichen herren hern Donalden, die zeit Abpt ze den Schotten, den brief zu einer offen chuntschaft, ob im fürbas icht invell oder zuspruch aufstund von dez vorgenanten Chappellans wegen vmb die vorgenanten vier phunt gelcz, die wir haben abge lost vnd die gehort habent auf sand Pauls alter ze der Himelporten, von den zuespruchen vnd invellen sullen wir in vnd sein nachcho- men ledig vnd beruebt machen. Mit vrchund diez brief geb wir in den brief versigelt mit vnsern paiden anhangunden lusigeln, der do geben ist nach christi gepürd drewezehen hundert iar darnach in dem zwain vnd Newnczigistem iar, an dem abent der heyligen vrown sand Marie Magdalen.

Original auf Pergament mit zwei Siegeln.