CXCVIII.

Ich Jans der Swob vnd ich Alliait sein Swester, vnd ich Leu- dolt der Prunner vnd ich Kathrey sein Hausvraw, vnd ich Anne vnd ich Margreth, derselben Kathrey swester, Wir vergehen vnd tuen chunt allen den, die disen prief lesent oder horent lesen, di nv lebent vnd hernach chunftich werdent, Daz wir denChriech, der zwischen vns vnd dem Ernwirdigen herren apt Hainrich zden Schotten ze Wienn vnd seinem Conuent gewesen ist vm ainen Weingarten, der da leit an dem Gotshamchperg, des ain Trittail ains Jeuchartz ist, der wei- lent Chunrades des Swabes vnd Maechtilden seiner Hausvrawen gewesen ist vnd den emals derselb Chunrat vnd Maechtild sein Haus vraw durch ir paider sel willen dem Chloster zden Schotten ze Wienn geschattet vnd geben habent, zv erbaer Leut schidung gelazzen haben. Vnd dieselben Schidleut habent also beschaiden, daz die vorgnanten herren von den Schotten gebent acht phunt Wienner phenning fur Pontes. U.lh. II. Bd. xvin. 15

226

alle ansprach, die wir hieten auf den vorgnanten weingarten. Vnd derselben acht phund phenning sein wir verriebt vnd gewert gaentz- leich vnd gar, vnd dorvm verzeichen wir vns furbaz alles rechten vnd aller ansprach, die wir vnd vnser Erben gehabt haben oder fur baz gehaben móchten hintz dem vorgnanten weingarten, also, datz di êgnanten herren datz den Schotten vnd ir nachchomen mit dem vor gnanten weingarten furbaz ledichleich vnd vreileich vnd aigenleich allen ir n frumen schaffen, versetzen, verchauffen vnd geben, swem si wellen, an allen irrsal vnd an allen chriech. Wir loben auch vnver- schaidenleichen mitsampt vnsern Erben den vorgnanten herren zden Schotten den vorgnanten weingarten in rechter gewerschaft vreyn vnd schermen vor aller ansprach vnd fur allen chriech nach des Landes recht in Osterreich. Vnd daz suln si haben auf vns vnd auf vnsern Erben vnd auf allem vnserm guet, swie daz genant ist, daz wir haben in dem Land ze Österreich, wir sein lebentig odertod. Vnd wan wir selb aygenr Insigel nicht haben, des geben wir den egnanten herren zden Schot ten ze Wienn disen prief zv ainem offenn vrchund versigilten mit des Erbern gaistleichen herren Insigel apt Chunrades von Рент, der des vorgnanten weingarten obrister Perchherr ist. Diser prief ist geben ze Wienn nach Cristes geburd dreutzehen hundert iar in dem vierzigstem iar darnach, an sand Cholmans tag. Original auf Pergament mit Siegel.