Urkundenbuch des Benedictiner Stiftes Seitenstetten, Nr. CCLXIV. , S. 313
Urkundenbuch des Benedictiner Stiftes Seitenstetten, Nr. CCLXIV. , S. 313


CCLXIV.
Wir Albr. von gotes gnaden Herczog ze Oestereich, ze Steyer, ze Kernden vnd ze Krain, Graf ze Tyrol etc. Tun chunt Vmb die grvnt vnd holtz in sand Michels pharr gelegen, die Seyfrid vnd Hainreich von hinderholtz vnd Gebhart vnd Chvni- gund am Steg dem erbaeren geistlichen vnserm lieben andaech- tigen .... dem Abt ze Sytansteten vnd seinem Gotzhaus ze chrieg taten, Daz wir gesehen vnd gehoert haben die chunt- schaft, die erber alt lewt bey iren trewen darvmb gesagt habent vnserm getrewn Petern den hinderholczer die czeit phleger ze Steyr, wan der von vnsers geschefftes wegen cze beschaw der chuntschaft geschafft vnd gegeben waz vnd dieselb chuntschaft sagt mit namen, daz dieselben grvnt vnd auch daz holez czu der vorgen. sand Michels chirchen vnd czu dem Gotzhaus gen Sytansteten von alter her vnd ze recht gehoert haben vnd nicht anderswohin, Vnd seind wir nv die chuntschaft also ver- hoert haben, So mainen vnd wellen wir gar ernstlich, daz es
298
dabey beleibe vnd das die vorgen. grvnt vnd holcz furbaz ewichleich beleiben bei der obgenanten sand Michels Chirchen vnd daz die egen. Seyfrid vnd Hainreich von hinderholcz vnd Gebhart vnd Chvnegund am Steg noch yeman ander von irai wegen fürbaz damit ichtzze schaffen haben in dhain weise. Mit vrchund diez briefs, Geben cze Steyr an freitag nach sand Michels tag, Nach kristes gepurd dreuezehenhundert iar dar nach in dem aynen vnd achezigisten Jare.
D. dux in consilio.
Original auf Pergament mit Siegel.
Urkunden des Benedictiner Stiftes Seitenstetten, ed. Raab, 1870 (Google data) CCLXIV. , in: Monasterium.net, URL <https://www.monasterium.net/mom/BenedictinerStiftesSeitenstetten/11b7456b-67e9-4b9c-b981-b079a38c4b29/charter>, accessed 2025-03-18+01:00
The Charter already exists in the choosen Collection
Please wait copying Charter, dialog will close at success