CLXXIV.

Ich Winther der Pluem. vnd ich Jeutt sein hausfrowe. vnd all vnser erben. wir vergehen vnd tuen chunt allen den. disen prif lesent oder horent lesen. di nv sind oder her nach chunftig werdent. daz wir mit wol verdachtem muet. vnd nach vnser pester vreunt rat. vnd auch mit gesamter hant. zv der tzeit. do wir ez wol getuen mochten. ze chauffen haben geben, vnsers rechten aygens tzehen schilling gellts auf dem hof. der do haist ze Mairhofen auf dem Tanperg, dem erbern herren hern Ditrichen. dem apt von Seytzesteten vnd seim conuent. vnd dem* Gotzhaus. vmb an ains Virtzig pfunt pfenning wienner munzz. der wir recht vnd redlich vnd gentzlich gewert sein. Si schullen auch furbaz mit dem vorgenanten guet schaffen aln irn frum. mit versetzen vnd verchauffen. vnd geben. wem si wollen. an allen irrsal. wir setzen vns sein auch ze gewern vnd scherm fur alle ansprach. also ob in mit recht dar an icht abging oder chain schaden nemen, den schullen wir in abtuen gentzlich vnd gar. vnd schullen daz haben auf vns vnd auf alle. di wir haben in dem lant ze Osterich. vnd ze pesser sicherhait setzent sich tzv vns ze gewern vnd scherm des vor geschoben gutes. Hainrieb. vnd fridrich di Plumen. Rudolf der Pielaher. Cholman der Prunzpekch. ob dem vor genantem Gotz haus icht ab ging mit recht. daz si daz schullen haben auf vns. vnd auf alle wir haben in dem lant ze Osterich. vnd daz die wandelung also stet vntzebrochen beleib. dar vber geben wir dem vorgenanten Herren. hern Ditrichen. apt ze Seytzesteten. vnd seim Gotzhaus den prif. versigelt mit mein Winthers In- sigel. vnd der vorgeschriben Hainrichs vnd fridreichs der Plu- mm Insigel. vnd Rudolfs des Pyelahar. vnd Cholmans des prunspekchen Insigel. di diser sach getzeug do mit sind. Ez

188

sind auch getzeug. Gotfrid der wirsinch. Ott vnd Chunrat di zwen pruder von Sazz. den di wandelung auch chunt vnd ge- wizzen ist. vn ander frum leut genug. Der prif ist geben datz sant Pelten. nach Christes gepvrd vber Dreytzehen hundert Jar. dar nach in dem ain vnd dreyzigistem iar. des nachsten eritags nach vnsers herren Leichnam tag.

Original auf Pergament; mit vier Siegeln, das fünfte fehlt.