Urkundenbuch des Benedictiner Stiftes Seitenstetten, Nr. CXIX. , S. 150
Urkundenbuch des Benedictiner Stiftes Seitenstetten, Nr. CXIX. , S. 150


CXIX.
Ich Ott von Zinzendorf vnd Marchart vnd Chvnrat min svn, tvn chvnt allen den. di disen brif ansehent oder horent lesen, daz wir daz lehen. daz da ist genant an des wagner lehen. daz wir haben von dem gotshaus datz Sytensteten, setzen vnserm herren Apt Chvnrat von Sytensteten. vur sehz pfvnt pfenning auf aller manne vaschang tag, also ob wir danne daz vor genant lehen niht enlosen, so sol er vns nach zwaier manne rat her zv geben, vnd sol daz vor genant lehen ledichkleichen sein sein. vnd daz daz stete beleibe. dar vmb gib ich im meinen brif. besteting mit meinem hangvnden insigel, Daz ist geschehen des jars. dv warn von Christes gebvrt Tausent iar, drev hundert iar, dar nach im dritten iar. an sant Lamprech tag, datz Sytensteten.
Original auf Pergament; mit dem Siegel.
cxx.
1303. 20. September. Ulmerfeld. — Die Brüder Ludwig von Zelking
vnd Otto von Schöneck geben dem Stifte den ihm lehenbaren Hof zu
Wolfersdorf um 60 Pfund Pfen. auf.
Ich her Lutweickh von zelking; vnd min bruder her Ott von Schonekk tvnne chvnt allen den. di disen brif ansehent oder horent lesen. daz wir einen hof hettet pei Zelking datz Wolfoltz- dorf cze rechtem lehen von dem goteshaus datz Syten steten, vnd haben den selben hof mit verdachten muet vnd mit gutem willen vnser hausvrowen vnd vnser chint vnd mit vrevt rat, auf gegeben vnsern herren Apt Chvnraten von Syten steten vnd seinem goteshaus, vmb seczich pfvnt pfenning wien ner munz, mit alle dev. vnd dar zu gehort, iz sein echer, wisen, holtz oder haide, zedorf. zeholtz vnd ze velde. besucht und vn- besucht. swaz wir da haben mit voitai vnd mit allen dingen, vurpaz ledichleich ze haben. an alle ansproch. Wer auer. daz daz vor genant -goteshaus iemen wolde beswaren mit chainer slacht ansproch vmb den selben hof. so sulle wir sein gewer sein. vnd daz daz stete beleibe. dar vmb geb wir dem vor ge nanten Apt vnd seinem goteshaus disen brif besteting mit vnser paider insigel. Daz ist geschehen des iars, dv von Christes
135
gebvrt waren Tausent iar. vnd drev hunder iar, dar nach im driten iar, an sant Mathez abent, datz vmervelt.
Original auf Pergament; mit zwei Siegeln.
Wolfershof O. W. W., etwas über eine Stunde von Zelking entfernt.
Urkunden des Benedictiner Stiftes Seitenstetten, ed. Raab, 1870 (Google data) CXIX. , in: Monasterium.net, URL <https://www.monasterium.net/mom/BenedictinerStiftesSeitenstetten/822212e8-6898-4fb1-9f09-4665b3ca0e82/charter>, accessed 2025-04-08+02:00
The Charter already exists in the choosen Collection
Please wait copying Charter, dialog will close at success