CXXIV.

Wier Ch. von gotes genoden abt von Seideinsteten ver- gechen an disem prief allen den. di in sechent. horent oder lesent, daz deu dreu guet. di da ligent auf der Spraid, di Her man der flaemingch von Wels, von vns ze rechtem lechen het, sein aidem. Hainreichen dem alten Tampechen gegewen hat zve seiner tochter ver Katrein, vn hawen avch wier in paiden, dem vor genanten H. vn seiner havsfrawen ver katein vn ir n drein Techtern. Elspeten vn katrein vn Margreten, dev vor genanten guet auf der Spraid verliehen ze rechtem Lechen, mit vnserm gueten willen, vn sein avch ier herre vn ier gewer, vn swe- lichz vnder den vorgenanten chinden stiriwt. so schol iz des andern recht lehen sein, vn schvllen avch sev daz vodern. also recht ist, vn daz dev red also staet weleiw, dar vwer gewen wier in disen prief. mit vnsern anhangunden Insigel, vn di erwern gezevg. Hern Hain. den richter, Herman von Nevmperch, Alram der Stiller. H. der Chroph vnd ander piderw levt, daz ist geschechen. do von Christes gepuerd vergangen worn, dreu- zechen hundert jar, dar nach in dem funften jar. an sant Oswaltstag.

Original auf Pergament; das Siegel sehr beschädigt.

Spraid. Nach dem Lehenträger Herman von Flemming zu schliessen vielleicht in der Pfarre Gunskirchen im Hausruck gelegen.

cxxv.

1305. 7. September. Sine loco. — Hertweig uon dem Wasen wid met mehre Güter und einen Weingarten zu einer Mess- und Licht-Stiftung in der von ihm erbauten St. Michaels Kapelle.

Ich Hertweich von dem wasen, vergih vnd tven chvnt allen den, die disen priefe lesent vnd horent lesen. Daz ich got vnd vnser frowen zelobe vnd ze eren, in eren des gvten sant Michels, ein Chappelle datz Seytansteten, pei der ris tver gepowen han, vnd gewidemt mit dem gvt, daz ich gechawft han, vnd hie geschriben stet, ein hof daez Grub vor den walde, ein hveb

139

datz den velbern, dacz Adramsdorf czwo hob vnd mit einem Weingarten datz Spitz, der mich von erbtail an gevollen ist. Darzv han ich dar gegeben pei minen lebentigen tagen, gesvn- der, do ichs wol getven mohte, chelch, pvch vnd messegewant, swes man zv dem alter bedarf, mit der bescheidenheit, swelche herre da wochener ist ze herren Mess, der sol in der nesten wochen darnah in der chapell drei Messe sprechen oder singen, an dem Mantag von den selen, an den Mitichen von den Engeln, vnd an dem Freitag von vnsers herren Marter, vnd sol der selb herre haben ie von der Messe dri phenninge vnd darzv sol von der vorder n gvlte alle naht licht in der Chappelle prinne, vnd ztem alter vnd czeter wandelvnge, vnd sol avch ewichlich Messegewant chavfen vnd pezzern. Dieselben gvlte sol der apt enpfelhen einem herren von dem conuente vnd soll der allez des verrihten, daz vor geschriben ist von der.gvlte. Swo daz an ichtiv versovmet, vercheret vnd verwandelt wirt, dez sol man dem apt chvnt tvn, vnd pezzert er daz niht in vier wochen, so sol der apt seins amptes enpern, vnz ez ge- pezzert wirt. Daz disiv rede ewichlich staete belibe vnd vnver- cheret, so han ich dem apt vnd dem conuent darvber gegebn disen prief, vnd si her wider mir ir prief, ze einem ewigen ge- zevge. gevestent mit minem Insigel vnd mit meines prvder in- sigel, hern Otten von dem wasen, Des sint gezevg. her Albrecht der erber techant von Ense, Her Hainrich von Walsse, her Chunrat von Chappelle, her Hainrich von Horawe, Her Heinrich der Straeler, Herman der Nevnberger, wolfker der wasener, Dietrich von Horow, vnd ander edel levte. Daz ist geschehen do von vnsers herren gepvrt waren tvsent vnd driv hvndert jar, in dem fvnften jar, an vnser frowen abent, als si geporn wart.

Original auf Pergament; mit zwei Siegeln.