CXLIV.

Ich fridreich der pauzz van dem dorf, vcrgich offenwar, vnd tuen chvnt allen den. di disen priof lesent oder horent

157

lesen, Daz ich mit verdachten muet, vnd nach rat aller meiner vreunt, vnd mit guetleichem willen meiner hausvrown vern Ievtten, vnd aller meiner chinder, fridreichs, Hainreichs, Sopheyn vnd petersen, han mein herren, hern Otten, dem erbaren abt datz Seytansteten vnd dem selben gotshaus ze rechten aigen ewichleich gegeben daz Lechen, daz do haizzet an dem pogen, mit allem dem. daz dar zve gehoret, zeholtz vnd zevelde, we- nantz vnd vnwenanzt, vmb svben phvnt wienner phenning, vnd ain phvnt zeleitchof, daz mein rechtz aigen vnd vnversprochenz guet ist gewesen. dez ich meinz herren des vorgenanten abts, vnd seins gotshauz rechter gewer pin, vnd swaz in vnd sein gotshauz vmb daz vorgenante guet chrieges an get, den schol ich fridreich der pauzz, vnd mein hausvrowe, vnd alle meinev chinder meim vorgenanten herren dem abt vnd seim gotshauz auz pringen, an alle ier mve, vnd an allen ieren schaden, vnd daz dev rede stet weloib, vnd vnzebrochen, gib ich im disen prief zve ainem vrchvnne, versigelt mit meim hangvnden In- sigel, vnd mit hern Hainreichs, dez richter von dem winden, hangvnden jnsigel. Dez sint zevge her Hainreich van horawe, her Ott van dem wasen, Hainrich der scench van tobra, Dietreich van Gleuzz, rndger van czauch, Wolfger van wassen, vlreich der pauzz, Ditreich erbinger, alram vnd Otacher di stiller. vnd ander vrvme Levt, der namen hie nicht gescriben ist. Daz ist datz Seytan steten geschehen, do van Christez gebvert waren drcvtzehen hvndert Jar. In dem drevtzehenten Jar, an vnserz herren auf- vart abent.

Original auf Pergament, zwei Siegel.