LIV.

Urbanus episcopus. seruus seruorum dei. Dilectis filijs . . . Abbati et Priori ecclesie s. Marie scotorum in Vienna Patauiensis diocesis. Salutem et apostolicam benedictionem. Ad nostram noueritis audientiam peruenisse. quod tam dilecti filij . . . Abbas et Conuentus Monastery s. Marie de Sitansteten. ordinis S. Benedicti. Patauiensis diocesis. quam predecessores ipsorum terras. decimas. redditus. prata. nemora. domos. posses- siones. iura. iurisdictiones et quedam alia bona ad Monasterium ipsum spectantia. datis super hoc litteris. interpositis iuramen- tis. factis renuntiationibus et penis adiectis. nonnullis clericis et laicis aliquibus eorum ad uitam. quibusdam uero ad non modicum tempus. et aliis perpetuo ad firmam uel sub censu annuo concesserunt in grauem predicti Monastery lesionem. quorum aliqui super hiis litteras confirmationis in forma com- muni a sede apostolica impetrasse dicuntur. Nos igitur uolentes. eidem Monasterio paterna in hac parte sollicitudine prouidere. discretioni uestre per apostolica scripta mandamus. quatinus ea. que de bonis ipsius Monastery per concessiones huiusmodi alienata inueneritis illicite uel distracta. non obstantibus litteris. penis iuramentis. renuntiationibus et confirmationibus supradic- tis. ad ins et proprietatem ipsius Monastery studeatis legitime

reuocare. Contradictores per censuram ecclesiasticam appella- tione postposita compescendo .Testes autem. qui fuerint nominati si se gratia. odio uel timore subtraxerint. censura simili appel- latione cessante cogatis ueritati testimonium perhibere. Datum apud Vrbemueterem III. kal. Junij Pontificatus nostri anno Secundo.

Original auf Pergament; Bulle.

Abt zu den Schotten in Wien: Philipp 1248—69.