CXI.

Wir Chunrat von gotes genaden Aptt datz Seitensteten vnd div Sammenung des selben goteshauses, Tun chunt allen den. die nv sint vnd hernach chunftich werdent. Daz wir mit ge mainen willen Perhten vnd Sweimuten. Ortolf es des fluschartes toehtern gelihen haben zir tagen. vnd ze ir beider leiben, den cehent vf dem purchvelde ze weidhoven. den Heinrich Engels- chalch von vnserm gotshause het, mit der bescheidenheit, daz si alle iar vns vnd vnserm goteshaus da von schuln geben ze cinse an vnser vrawn tag zelihtmesse drizzich phennig, vnd swenne die vorgenanten leibe beide tot geligent, so ist der vor genant cehent an aller ir erben vnd nachomen widerred vns vnd vnsern goteshaus ledich. Dar vber hab wir in gegeben disen prief ze einem vrchund. gevestet mit vnserm Insigeln. Des sint gezevg. Her Engelschalch der prior, vnd Her Otte der guster. Her Heinrich von den Winden. Herman der Nevnberger. Alram der Stiller. Wolf her der Fluschart. Gotfrit sin sun, Dit- mar vnd Heinrich Chol. vnd ander biderb Levte. Daz ist ge schehen, do von Christes gepurt waren Tausent iar, vnd driv hundert iar, nah dem perhtentage.

Auf der innern Seite des Umschlages unsere ältesten Urbare. fol. 33. Abgedruckt im V. H. des Arch. für Kunde Oest. Gesch. Quellen S. 15.