CCXLVIII.

Ich Vllreich der Grueber vergich mit dem offenn prieff vnd tun chund allen lewten gegenwurtign vnd chumftign, dew in an sechent, lesent oder horent lesen, Daz ich mit wolbedach- tem muet nach meyner pesten frevnt rat vnd besunderleich mit willn vnd gunst meyner liebn hawsvrawn Elspeten vnd aller meyner eribn, czu der czeit da ich ez mit gesunten leib wol getun macht, vnd mit meynes genaedign lechn herren hant, gunst vnd willn Herrn Engelschaliclis, dy czeit wirdiger abbt des Gotshaws cze Sytanstetu, mein czechent haws genant in dein weingartn vnd in Pyherpelccher pharr gelegen, daz ich vrab mein beraiez gut han gechaufft, hab gemacht vnd geschafft vnd

275

gebn ledigleich nach meynem tod, durch meyner vnd meyner hawsvraw sel hail willn, czw dem Hecht auf dy Gustrey gen Sytansteten in der beschaydenhait, daz ich daz selb czechent haws inn wil habn vnd nyezzen vnuerchumert an ee haft not, dew ich auz nim vncz an meynen tod. Dann wann ich nv abgen mit dem tod, so schol sich der Güster des ob genanten czechent haws vnderwinden vnd behaltn pey dem selbign ampt mit allen den ern, rechtn vnd nuczen, dy dar czu ge- horent an irrung aller meyner eribn vnd frevnt in der weis, wer Guster ist, der schol taegleich in vnser vrawn Marie Chap- pellen czu der fruemess ir ze lob vnd czu dinst czu dem ge- wondleichem Hecht ayn wandlung cherczen czu der wandlung in der fruemess staetleichn auf czunten vnd da pey allebeg habn. Vnd an welichem tag ich obgenanter Vllr. stirb, an dem selbign tag schol der Guster jaerleich meyner vnd meyner hawsvrawn vnd vnsrer vorder n sel gedaechnuss mit ayner sell- mess habn. Vnd daz daz gemaecht also der Gustrey vnd dem Gotshaws cze Sytansteten vnuerchert weleib, dar vber czu aynern warn sichtign vrchund der vorgeschribn sach gib ich offt genanter vllreich der Grueber dem obgenant Gotshaws cze Sytanstn. vnd der Gustrey den offenn prieff, der versigilt ist mit der erbern wolbeschaydn dyetreichs des czawhinger, dy czeit Richter cze Sytanstetn vnd mit Otten des peleiter czwayn anhangunden Insigiln, dy mit irn Insigln der sach geczevgen sind durch meynes vleizzigen pets willn in an schadn, wann ich aygns jnsigel nicht enhab, Hinder dew ich mich verpunden han pey meynen trewn, staet cze habn allez, daz obn an dem prief geschribn stet. Daz ist geschehn vnd der prief ist gebn cze Sytanstn do man czalt von vnsers herren Jesu Christi ge- purd vber drewczechn hundert jar darnach in dem acht vnd Syben- czigistn jar, an sand Thomans tag des heylign czwelffpotn.

Original auf Pergament mit zwei Siegeln.