Syboto Dei gratia episcopus, nec non decanus et capitulum ecclesiae Spirensis, literis praesentibus publice profitemur, quod cum aliquando inter nos quaestio verteretur super red- ditibus annuis trecentarum librarum hallensium, quas nos de- canus et capitulum aliquando emptionis titulo a piae recor- dationis quondam domino Friderico, Spirensi episcopo, com- paravimus seu emimus, nec non super redditibus septuaginta sex libris et duodecim solidis hallensium, qui nobis, decano et capitulo pro servitiis solvendis et aliis pensionibus prius debebantur, quos quidem redditus nos S. episcopus praedic- tus nostrae attraximus potestati, ci edentes nobis jus compe- tere in eisdem, volentes communiter super hujusmodi quaes- tione debite complacari, in discretos viros Heinricum de Than et Hermannum de Liechtenberg, nostros concanonicos, nec non in magistros Cunonem, decanum in Esselingen et Wern- herum de Phortzheim, nostros compraebendarios, super hu- jusmodi quaestione compromisimus, promittentes tlrmiter, nos ratum, gratum et flrmum habere quidquid dicerent, lau- darent vel etiam ordinarent in praemissis. Qui quidem ar- bitri de hujusmodi quaestione cognoscentes unanimi ore et consensu nobis praesentibus dixerunt, laudaverunt et ordi- naverunt inprimis, quod omnes rancores et odia hujus quaes- tionis exorta hincinde cessare deberent, nec eorum memo- riam deinceps habendam et aliquam vindictam vel ultionem. Item quod nos Syboto episcopus memoratus restituere de- bemus dictos . . decanum et capitulum plenarie et cum ef- fectu ad omnem possessionem, perceptionem et usum om- nium reddituum praedictorum, prout fuerunt et percipere con- sueverunt tempore quondam Friderici episcopi praedicti et nostri Sybotonis episcopi usque ad tempora motae litis. Item dixerunt, laudaverunt et ordinaverunt, quod nos decanus et capitulum praedicti dare et exsolvere deberemus domino nostro Sybotoni episcopo antedicto mille libras hallensium

29*

458 1307 mai 25.

in terminis infrascriptis, videlicet medietatem earum in festo beati Martini episcopi proxime venturo, residuam vero me- dietatem in festo ejusdem beati Martini, anni proxime sub- sequentis, quas quidem mille libras bona tide in emptionem bonorum, possessionum vel reddituum ad usus episcopales pertinentium convertere deberemus, ut si forte minus debito vel consueto perceptum fuisset a quondam domino Fridenco episcopo praedicto in venditione et emptione reddituum prae- dictorum, dictae millelibrae, bona, possessiones vel redditus pro eisdem mille libris empti vel comparati cedere debeant et computari in supplementum pretii ipsorum emptionis et venditionis reddituum praedictorum, et quod de hoc in pos- terum possit apparere. Item dixerunt, laudaverunt et ordi- naverunt, quod nos Syboto episcopus, in quantum cum Deo, justitia et honore nostro facere possumus, bona fide absque omni captione omne-consilium, auxilium et favorem adhibere et impartiri deberemus dictis decano et capitulo omni via et modo, quibus possemus, ad confirmandum, fortificandum et roborandum contractum initum venditionis et emptionis reddituum praedictorum. Item dixerunt, laudaverunt et or- dinaverunt, quod super redditibus quindecim hbrarum hal- lensium, quas nos Syboto episcopus solvere deberemus dic- tis ... decano et capitulo annis singulis in festo beatae Ger- trudis virginis debite dandis et exsolvendis constituere et deputare deberemus bona, possessiones vel redditus nostri episcopatus, de quibus ipsi . . . decanus et capitulum dictos redditus quindecim librarum termino praedicto, scilicet festo beatae Gertrudis integraliter possent et debent recipere. Ouam quidem pronuntiationem, laudum et ordinationem in totum et in omnibus suis partibus ratam, gratam et firmam communiter et unanimiter hincinde habere promittimus et in ipsam expresse praesentibus consentimus. In cujus rei fes- timonium sigilla nostra praesentibus duximus appendenda. Datum anno Domini MCCCVII. feria quinta proxima post do- minicam, qua cantabatur Domine in tua.