w ir Ludwig von Gots gnaden Romischer keyser zu allen zyten merer des richs, entbieten den wisen luten, den bur- germeistern, dem rate vnd den burgern gemeinlichen zu Spier, vnseren lieben getruwen, vnser hulde vnd alles gute. Wir haben den durftigen vnd dem spital zu Spier die gnade getan, das sie ein muhlstat vftgefahen mogen vff der Spier- bach vnd cin mule daruft' buwen. Als wir inen des vnsern offen brief geben haben. solt ir wissen, das vnser meye- nungen daran nicht gewesen ist, das wir domit nyman an seinen rechten oder gulten daheimen schaden brufen oder tun wolten. Daivon wollen wir vnd heissen vch, das ir von vnsern wegen reden mit den pflegern desselben spitals, obe sie die mule vffvahen vnd buwen wollen nach der gnade, die wir inen getan haben, das sie dan besorgen vnd fur- sehen, das das den stifften vnd den stulbrudern vnd auch nllen andern an iran rechten, gulten vnd nutzen zu keynem schaden kome. Wolten aber sie daran vbergriffen vnd also buwen, das es andern zu schaden kome, so heissen wir vch das ir ine dan den selben buwe nyderleget vnd ine sin nicht gestattent, als ferre es iman zu schaden komen mage. Zu vrkunde diss briefs, der geben ist zu Stutgarten an mitwo- chen nach Erasmen tag, in dem zwe vnd zwentzigsten jare vnssers richs vnd in dem nunten des keyserthumes.