\Vir Gerhart etc. verjehen, daz wir geloben mit guten truweu fur vns vnd alle vnser nachkommen bischove zu Spire alle die gesetze vnd artikel, die hernach geschriben stant gantz vnd veste zu haltenen ane alle geverde. Von erste sullen wir gantz vnd vesteclich halten der stette von . Landawe vriheit, gute gewohnheit vnd recht an burgmannen vnd an burgern zu Landawe, die ietzant sint vnd noch wer- den mogent vsswendig der stad vnd innewendig der stad vnd was zu der stad horet. Anderwarbe sollen wir die burgmann vnd die burger zu Landawe die jetzant sint oder hernach werdent vssewendig der stad vnd in der stad vnd was zu der stad horet, schirmen vor mengelichen ane alle geverde. Anderwarbe sollen wir in halten die gewonheit an der sture, also daz sie alle jar numme. wanne zwei hun- dert pfunt heller sollent geben zu sture vnd niht mer dar- uber- Anderwarbe sollen wir den rade zu Landawe halten in demselbeu rechten vnd gewonheiten, als wir in funden. Anderwarbe so ensollen wir oder vnser nachkommen keine bue tun in der stad zu Landawe oder in dem burgbanne der stette, auch ane geverde. Anderwarbe, welchen amptmann wir setzen oder vnser nachkommen in der stad zu Lan- dawe, der sol sweren vff den heiligen nicht anders zu rich- tenne, wanne als der rat teilet zu Landawe. Anderwarbe verjehen wir an diesem briefe, daz die burger von Lan- dawe, die nu sint oder hernach werdent in der stad vnd vsswendig der stad fur vns, vnsern stifft vnd nachkommen bischove zu Spire nicht pfantbere ensint oder wir sie nicht pfantbere sollen machen, noch zu vcrbinden zu pfendende mit keine vnserm verbuntuusse oder briefen, auch ane alle geverde. Datum anno Domiui millesimo trecentesimo tri- gesimo septimo, feria seuunda post dominicam palmarum.

526 1337 mai 21.