w ir Karl von Gots gnaden Romischer keyser zu allen zyten merer des richs vnd kunig zu Beheim, bekennen vnd tun kunt offentlich mit diesem brieffe allen den, die in an- sehent, oder horent lesen. Wanne wir dem edlen Engelharte von dem Hirtzhorn, einen turnos vff dem Rine an dem zol zu Utenheim, daz des erwerdigen Gerhartes, bischofes zu Spire, vnsers lieben, andechtigen fursten vnd sines stiftes zu Spire eigen sloss ist, geben vnd beschieden haben, biss an vnser widerruffen vnd deiselbe bischoff den egenaneten

1361 marr 4. •41

Engelharten durch vnser flissigen bete willen an denselben grossen hal sitzen gelassen, allein daz iem vnd sine ege- nannten stiffte zu Spire vnbequemmelich si: darumb haben wir im vnd sine stiffte zu Spire die gnade gethan vnd tun auch mit diesem brieffe, daz wir furbass deheinen fursten. graven, herren, stetden, rittern, knechten oder jemand an- ders keinen zol in desselben bischoffes vnd sines stifftes slossen vnd gebieten geben oder verschriben wollen noch sollen. Hetten wir auch vormals iemand soliche zolle in den egenannten sinen vnd sines stifftes slossen oder ge- bietden geben oder verschrieben, oder furbass geben oder verschriben werden, die itzunt darinne nit entsessen, daz sol abe sin vnd keinen furgank haben noch gewinnen. Mit vrkund dieses brieffes versiegelt mit vnserm keyserlichen ingesiegel. Der geben ist zu Nuremberg nach Cristus ge- burte drutzehen hundert vnd eins vnd sechzig jar an dem nechsten dunerstage vor Laetare vnser riche in dem funffze- henden vnd des keyserthums in dem sechsten jare.