Emicho Dei gratia episcopus Spirensis. Ad universorum notitiam deducimus publice profitendo per praesentes, quod nos diligenti cnnsilio et matura deliberatione praehabitis, con- tractum seu contractus, obligationem vel obligationes et pacta initos et contractos seu factos, inita seu facta inter bonae memoriae Fridericum et Sibotonem Spirensis ecclesiae prae- dictae episcopos, nostros praedecessores, ex una parte et dilectos in Christo . . decanum et capitulum ecclesiae nos- ' trae Spirensis praedictae ex altera parte, super redditibus teloniorum et passagii in der Lusse, quos iidem praedeces- sores nostri in civitate Spirensi et ultra Renum apud Spi- ram et in Spira habuerunt et specialiter super annuis red- ditibus trecentarum librarum hallensium, quos iidem dccanus et capitulum a praedicto domino Friderico justo venditionis titulo comparaverunt seu emerunt, nec non super redditibus annuis septuaginta, sex librarum hallensium et duodecim so- lidis hallensium, qui eisdem decano et capitulo pro servitiis solvendis et aliis pensiombus prius debebantur, ac etiam mis- sionem in possessionem factam dictis decano et capitulo a dictis Friderico et Sibotone, nostris praedecessoribus, et ab ipsis decaoo et capitulo accepta, initam, habitam et haben- dam super redditibus, pensionibus et debitis omnibus et sin- gulis supradictis, prout etiam in literis super hoc confectis plenius continetur, ratificamus, ratos et gratos habemus, con- firmamus, approbamus ac eisdem consentimus, consensum et robur firmum ac indissolubilem praesentibus inpartimur. Prae-

1316 januar 30. 481

cipientes conductoribus teloniorum et passagii praedictorum, ut ipsis decano et capitulo ecclesiae nostrae praedictae de redditibus et proventibus memoratis satisfaciant deinceps ple- narie ac indilate, prout ipsi decanus et capitulum hactenus receperunt et recipere consueverunt et in possessione ac per- ceptione dictorum reddituum, pensionum et debitorum pacifice exstiterunt ac fuerunt, promittentes nichilominus contra prae- dictos contractus, obligationes seu pacta ac contra ratifica- tionem, approbationem et consensus nostros non venire aut facere ullo modo, de jure vel de facto, et omnia et singula facere, adimplere et cooperari, quae ad utilitatem, robur, firmitatem ac defensionem contractuum, obligationum, pacto- rum et reddituum, pensionum et debitorum praedictorum re- quiruntur seu requirentur, expediunt vel expedire videbuntur et apud sedem apostolicam, Moguntinensem seu aliam ac apud majestatem imperatoriam seu regiam ac etiam alibi, nbicunque fuerit vel videbitur necessarium, utile vel op- portunum. In cujus rei testimonium, approbationem, rati- ficationem et confirmationem sigillum nostrum praesentibus duximus appendendum. Datum anno Domini MCCCXVI. feria sexta ante purificationem beatae Mariae virginis.