In nomine sancte et individue Trinitatis. Guntherus Dei gra- cia Spirensium vocatus episcopus universis, qui christiana professione censentur, et eorum successoribus in perpetuum. Pietatis fungi munere, et in studio caritatis semper proficere generaliter quidem christiane professioni convenit, illis tamen qui in spiritalium amministracione constituti, ceterique pasto- rali dignitate prelati pro spiritalibus metunt carnalia, illud vquasi proprium et peculiare est, ut eorum ope et opera cul- tus Dei debitum incrementum accipiat, et in domo Dei, quam eos vigili cura gubernare oportet, gloria et divicie nec de- sint, nec deficiant. Ea propter innotescere cupimus universis, quos in sancta religione Christi gubernat imperium, qualiter Heinricus tercius divina favente clemencia Romanorum im- perator augustus et pro sua et dilecti filii sui Heinrici regis et presente et futura salute, et pro remedio animarum suo- rum parentum, avi videlicet Cuonradi imperatoris et avie sue Gisile imperatricis, patrisque sui Heinrici imperatoris matris- que sue Agnetis imperatricis, sueque dilectissime coniugis Berthe imperatricis et fratris sui Cuonradi, filieque sue Adel- heidis, ob fidele eciam servicium et peticionem carissimi Io- hannis Spirensis episcopi predium quoddam Ilsfelt dictum, in pago Scuzengowe in comitatu Adelberti comitis situm, cum omnibus appendiciis, hoc est utriusque sexus mancipiis, areis, edificiis, agris, terris cultis et incultis, pratis, pascuis, aquis aquarumque decursibus, molis, molendinis, piscacionibus, sil- vis, venacionibus, exitibus et reditibus, viis et inviis, quesitis et inquirendis, seu cum omni utilitate, que aut scribi potest,

1157 marz 13.

aut dici, preter partem eiusdem predii in villa Iendau nomi- uata sitam, quod ecclesie Sunnesheim dedit, ad altare sancte Marie in proprium tradidit, ea videlicet racione, ut predictus Spirensis episcopus ipsiusque successores liberam habeant potestatem, eandem curiam sibi retinendi, ad utilitatem eccle- sie commutandi, precariandi. Cum autem Cuonradum regem Romanorum predicti imperatoris et proximum heredem, et in regno fieri successorem contingeret, ipse, ut predictum predium filio suo in benelicium daremus, sepe numero instan- tissime postulavit. Porro ne per nos staret, quo minus im- perialis sanctio antiqua suum vigorem obtineret, nos in hnc parte et minis et precibus prefati regis Cuonradi diu reni- tebamur, sed cum nullam evadendi facultatem haberemus, que et qualis recompensacio in his ecclesie et fratrum nostrorum utilitati conveniret, attente deliberavimus. Excogitavimus tan- dem ad hoc, ut indempnitas fratribus conservaretur, ad per- mutacionis remedium confugiendum, et aliud predium pro hoc alienato ecclesie et fratrum usibus esse conferendum, et sic precibus sepedicti regis Cuonradi paruimus, non libenter qui- dem, minus tamen inviti, eo quod ipse donatoris prediorum et successor et proximus heres diceretur, cuius rei gracia et ipse nobis immunitatem ab instanti expedicione prestitit. Recompensacionis autem modus et quasi permutacionis forma hec est. Preoptantes, ut predicto modo alienatum predium ahquando in proprietatem ecclesie et usus fratrum revertatur, in recompensacionem eius curiam apud sanctum Leonem ct curiam in Bruowele, que date in benelicium nomine feodi possidebantur, recuperavimus, easque non rebus ecclesie, sed patrimoniis, que nobis hereditario iure obvenerant, et que a nobis libere et quiete possidebantur, redemimus. Quod igitur a nobis alienati predii donator de ipso constituerat, nos quo- que de curiis patrimonio nostro recuperatis constituimus, vi- delicet ut de eis episcopus cunctis de IIII. claustris fratri- bus in anniversario Gisile imperatricis vespere ad vigilias et mane ad missam pro defunctis ad maiorem ecclesiam, ubi ipsa defuncta quiescit, convenientibus in refectorio refectio- nem honeste ministret. Et ut hec nostra constitucio stabilis et inconvulsa permaneat, hanc cartam inde conscriptam manu propria corroborantes, impressione sigilli nostri insignire cu- ravimus. Quecunque igitur ecclesiastica secularisve persona contra hanc nostre constitucionis paginam ausu temerario ve- nire presumserit, excommunicacioni subiaceat, et a percepcione

7*

106 1157 mitrz 13.

sacrosancti corporis Christi fiat aliena, donec peniteat et emendet, fiat, fiat, amen. Godefridus prepositus de domo et custos recognovit. Bertholdus decanus recognovit. Hein- ricus prepositus de sancto Germano, Ruodolfus de sancto Gwidone prepositus r. Winemarus prepositus de sancta Tri- nitate et magister scolarum r. Meingotus cum ceteris fratri- bus r. Testes eciam sunt huius constitucionis libere quidam condicionis homines, Oddo Sporelin, Marquart et frater eius Godefrit de Heinvelt, Helenger de Mudach, Othgerus de Wiz- zenloch, et ceteri. De ministerialibus vero testes hii sunt, Anshelmus camerarius cum fratribus suis, Heinrich Griez, Cuonradus dapifer, aliique complures. Acta sunt hec Spire III. idus marcii, anno incarnacionis Domini MCLVII. indictione IIII. (V.) imperante Friderico gloriosissimo Romanorum impe- ratore augusto feliciter amen.