In nomine sancte et individue Trinitatis. Ulricus Dei gracia Spirensis ecclesie episcopus. Cum nullam commutacionem dare debeat homo pro anima sua, nec aliquid cogitare nisi quomodo bene et feliciter moriatur, consequens est, ut hiis, que salutem conferunt perpetuam corde et animo et bono- rum temporalium collacione iugiter invigilet. Inde est, quod ego divina ductus inspiracione castrum meum in Bruchsel, quod gravissimis expensis construxi et advocaciam eiusdem loci a comite Cuonrado de Calwe, qui eam in beneficio ha- buit, quadringentis marcis redemptam et vineas, quas par- tim emi, partim plantavi et quecunque alia bona ibidem habui, per manum advocati, quem ad hoc elegi, gloriose Dei ge- nitrici Marie et capitulo maioris ecclesie in Spira pro re- medio anime mee in proprietatem dedi, ea racione interpo- sita et lege adiecta, ut quicunque mihi succedens usque in finem seculi in episcopum Spirensem eligeretur, regalibus ab imperio acceptis non prius de prefatis bonis se intro- mitteret, quam ad maiorem ecclesiam accedens de manu de- cani et fratrum suorum eadem bona reciperet, et ut largius fieret beneficium in anniversario meo, XX. uncias Spirensis monete inter omnes canonicos civitatis dividendas daret et insuper cuilibet canonicorum vocanciam et stopum vini fa- ceret ministrari. Hec autem ita constitui, ut nullus unquam successorum meorum aliquid de predictis bonis quacunque specie alienandi ab ecclesia Spirensi valeat removere. Et ut hec rata et inconvulsa omni evo permaneant, sigilli no- stri impressione firmissime communimus.