Sacrosancta mater ecclesia sollicita discussione conside- rans, ecclesias, ecclesiastica bona. jura, libertates, ministros seu personas earundem diversis oppressorum molestiis prae- gravari, semper nova suflragiorum remedia novis abusibus studet opponere et eorum ausibus obviare. Propter quod reverendus in Christo pater et dominus Joannes Thuscula- nus episcopus, tunc apostolicae sedis legatus, anno Domini millesimo ducentesimo octuagesimo septimo, mense martii, feria tertia post Laetare Jherusalem, pontiticatus domini Honorii, papae quarti anno secundo, in Herbipolensi concilio, inter caeteras constitutiones et statuta quoddam statutum edidit, quod incipit: Dignum arbitrantes et consentaneum aequitati etc. in quo statuto ex divina inspiratione, vitans discrimina cavillationum et vana subterfugia invasorum, per modum facilem et expeditum ecclesiarum utilitatibus studuit salubriter providere. iNos igitur praepositi, decani et capi- tula ecclesiarum Spirensium utilitatem earundem merito af- fectantes, fide praestita corporali nomine juramenti, tenore praesentium nos adstringimus, ut omni postposito amore vel odio, gratia vel favore, eandem constitutionem mutuo pro defensionibus nostris et personarum ecclesiarum nostrarum, bonorum, libertatum et jurium earundem observemus, salvis nichilominus hiis, quae inter nos pro conservatione jurium, libertatum et consuetudinum antiquarum primitus sunt flrmata. In quorum testimonium sigilla nostra nos praepositi prae- dicti et nos decani et capitula praedicta sigflla capitulorum nostrorum praesentibus duximus appendenda. Datum anno Domini MCCCV. sabbato ante decollationem beati Joannis baptistae.

454 1306 august 21.